Esperanta Civito

HeKo - retagentejo de la Esperanta Civito

HeKo estas novaĵagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ lia delegito. La informoj estas: oficialaj de la Civitaj instancoj, se indikitaj per la litero C; bultenaj de paktintaj establoj, se indikitaj per la litero B; alies neoficialaj, pri kio ajn utila por la evoluo de Esperantio, se indikitaj per la litero A. Kaj pri Eŭropaj institucioj, se indikitaj per la litero E.
Eblas SENDI KOMENTARION aŭ ARTIKOLON tra la redakcia adreso.
Publikigo estas rajto por kiu havas la esperantan civitanecon, laŭdiskrecia por la ceteraj.
Eblas donaci monon por subteni nin pere de PayPal-konto: bonvolu demandi tra la redakcio
.
Nia poŝta adreso: Esperanta Civito > HeKo, strato Edinburgo 26, BE-1050 Bruselo (Belgio)


HeKo 719 1-C, 1 okt 19: Roterdamo perdas fidelan vochtubon

En 2020 ne plu ekzistos la periodaĵo "La Ondo de Esperanto". Ĝi jam mortis antaŭ ne longe kiel papera revuo pro poŝtaj kostoj kaj malkomfortaj veturadoj, ĝi definitive forpasas eĉ kiel retgazeto pro "la malboniĝo de la vidkapablo de la redaktoro", s-ro Aleksander Korĵenkov. Tio signifus ke la eldonejo (Sezonoj) tute ne serĉis aŭ trovis anstataŭanton, kaj eĉ ne klopodis produktadi pli maloftan aŭ magran periodaĵon. Unufraze: ges-roj Korĵenkov-Gorecka ne havis efektivan redakcion ĉirkaŭ si.

Ne temas pri la unua (aŭ dua) ĉeso de LOdE, sed pri la tria. Ĝi malaperis en 1917, inter la marta kaj la oktobra revolucioj, estinte la sola kultura revuo en esperanto ne mortigita de la unua mondmilito. Ĝi resurektis en 1991, (preskaŭ) koincide kun la fino de Sovetunio. Kun kiu historia evento koincidas la nuna forpaso?

...

Legu pli


HeKo 718 9-C, 30 sep 19: Principa interkonsento pri la inaugura parlamenta sesio

La eliranta Konsulo kaj ĉefkandidatoj de ĉiuj listoj principe interkonsentis pri la dato kaj loko de la inaŭgura parlamenta sesio en 2020: Budapeŝto, vendredon la 18an de marto. La sesio koincidos ankaŭ kun la inaŭguro de la nova sidejo de la Orienta Legacio.

Certe la antaŭan tagon okazos literatura kafejo, sub la aŭspicio de la Esperanta PEN, kaj en la postaj du tagoj probable Fajszi Amika Rondo oeganizos la 5an Danuban Esperanto-Rendevuon.

La formala kunvoko okazos nur ĉi-jarfine, post la skrutinio.

[HeKo 718 9-C, 30 sep 19]


HeKo 718 8-B, 28 sep 19: ENa aktivis en la naturamika jarkonferenco

Esperanta Naturamikaro partoprenis en la jarkonferenco de Naturfreunde International hodiaŭ en Heilbronn (Germanio), pere de sia delegito, c-ano Giorgio Silfer.

La ĉefaj punktoj en la tagordo estis la financa situacio kaj la preparo de la 125-jara jubileo de la organizo, celebrota per aparta eventaro en Vieno, koincide kun la internacia kongreso.

Post jaroj da struktura deficito NFI fermis la lastan spezkalkulon en ekvilibro, kun eĉ tre modesta profito. Tio eblis malgraŭ la drasta malaltigo (duonigo) de la kontribuoj el la landaj federacioj, inkluzive de ENa (kiu reprezentas Hispanion kaj Esperantion). La plej gravaj rimedoj por tiu pozitiva atingo estis la rezigno pri plurlingvismo (favore al la angla, kvankam anglosaksaj landoj kune konsistigas eĉ ne unu procenton de la individua membraro) kaj la rezigno pri propra sidejo (granda luita apartamento en Vieno) favore al gastado ĉe la forta aŭstra federacio.

...

Legu pli


HeKo 718 7-A, 26 sep 19: Pietzak kaj Silfer pri la krizo de la Universala

Du elstaraj prelegantoj aludis al la krizo kaj probabla bankroto de Universala Esperanto-Asocio, dum siaj intervenoj ĉi-jare en ARKONES. La unua estis s-ino Barbara Pietrzak, eksestrarano de UEA, dum sia prelego pri Ada Sikorska kaj "Heroldo de Esperanto". La dua estis c-ano Giorgio Silfer, dum sia prelego, spektebla ĉe https://youtu.be/rWiFZwSr94U

La redaktorino de Pola Radio esprimis perplekson pri la sorto de la Universala. Ŝi menciis la ĉefajn problemojn, inkluzive de tiuj pro la sidejo kaj la personaro. Ĉu la Asocio sukcesos savi sin? Eble, sed tute ne certe.

La Konsulo de la Esperanta Civito parolis pri literaturo, kaj ligis la finon de la sesa periodo ĝuste al la probabla bankroto de la Universala. Li opinias ke pli kaj pli diverĝas du konceptoj, ambaŭ influaj por nia literaturo: unuflanke la konstruo de propra lingva komunumo, aliflanke la eksportado de revolucio en la monda lingva ordo. La dua koncepto estas delonge en krizo, kaj simple tiu krizo atakis definitive la organizan strukturon.

Du demandoj faritaj de s-ino Pietrzak post la prelego de ŝia kolego ebligis kompreni en kio ŝi esperas, sed samtempe c-ano Silfer per siaj respondoj pliigis ŝian perplekson pri la evoluo de la situacio.

[HeKo 718 7-A, 26 sep 19]

...

Legu pli


HeKo 718 6-C, 24 sep 19: Senato 2020-24: la kandidatoj de la Blanka Listo

La Blanka Listo estas liverita kaj oficialigita. Ĝi enhavas dek tri gekandidatojn, kiujn gvidas senatano Anna Bartek (Anjo Amika) kaj forumano Abasi Nshimirimana, rezidantaj en Hungario, respektive Burundio. Ili ambaŭ estas religie aktivaj: la unua kiel membro de reformita eklezio, la dua kiel islamano.

Sekvas kiel tria MIHALKOV Georgi Mihalkov (verkisto konata sub la pseŭdonimo Julian Modest, rezidanta en Bulgario, edukita ortodokse), poste laŭ alfabeta ordo BELTRAMINI Alessandro (entreprena direktoro, Italio, romkatolike), MUSHOSI Birindwa (instruisto, Ruando, romkatolike), HOLEVITCH Alexander (inĝeniero, Nederlando, ortodokse), KOUABLAN Antoine (instruisto, Eburio, kristane), KOUFINOU Koffitché (sekretario de pentekostana pastro, Togolando, kristane), LOVRIĈ Tihomir (desegnisto, Kroatio, romkatolike), SEBUHORO Honoré (instruisto, Kongolando, romkatolike), SZILVÁSSY Péter (Petro Pruna, studento, Hungario, kristane), TSHAMENA OMBA Aléxandrine (katekistino, Kongolando, romkatolike), VILBASTE Kalle (sakristiano, Estonio, kristane)./ ...

Legu pli


HeKo-arkivo

Esperanta Civito