Esperanta Civito

HeKo - retagentejo de la Esperanta Civito

HeKo estas novaĵagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ lia delegito. La informoj estas: oficialaj de la Civitaj instancoj, se indikitaj per la litero C; bultenaj de paktintaj establoj, se indikitaj per la litero B; alies neoficialaj, pri kio ajn utila por la evoluo de Esperantio, se indikitaj per la litero A. Kaj pri Eŭropaj institucioj, se indikitaj per la litero E.
Eblas SENDI KOMENTARION aŭ ARTIKOLON tra la redakcia adreso.
Publikigo estas rajto por kiu havas la esperantan civitanecon, laŭdiskrecia por la ceteraj.
Eblas donaci monon por subteni nin pere de PayPal-konto: bonvolu demandi tra la redakcio
.
Nia poŝta adreso: Esperanta Civito > HeKo, strato Edinburgo 26, BE-1050 Bruselo (Belgio)


HeKo 718 3-B, 16 sep 19: Trairi kulturan mondon per LF 301 (oktobro 2019)

Survojas al la abonantaro la oktobra numero (301) de "Literatura Foiro", kies kovrilo kondukas al Laponio, kadre de la Internacia Jaro de la Indiĝenaj Lingvoj. Ĝuste la lapona estas la temo de la eseo de Giorgio Silfer "La indianoj de Eŭropo".

Iom pli suden, LF vizitas Svedion per pentrarta artikolo de Soile Lingman pri "Amelin, socie engaĝita artisto". Kaj al Germanio per eseo de Davide Astori pri "Clara Wieck, familio Schumann kaj esperanto". Pluen en meza Eŭropo per la elzeviro de la slovena Tanja Tuma "La neeltenebla leĝero de l' esto surlinea", poste al la balkana per rakonto de Julian Modest, ĝis salto al Malto pro la poemo "Pilgrima falko" de Louis Briffa (tradukis Carmel Mallia). La tutan Eŭropon en sia nuna, malfacila konjunkturo, relanĉas la artikolo de la triesta ĵurnalisto Alceo Valcini "Kial mi estas eŭropa civitano"

...

Legu pli


HeKo 718 2-B, 14 sep 19: Forpasis György Konrád, PEN-prezidinto

La hungarlingva verkisto, el juda origino, György Konrád ĵus forpasis en Budapeŝto, 86-jara. Li prezidis PEN Internacian kiam nia lingvo estis agnoskita kiel literatura, dum la mondkongreso en Santiago (Galegio), 10 septembro 1993. En tiu okazo li nerekte helpis nin, spite al la formala neŭtraleco de asemblea prezidanto.

Pretervivinte el la Ŝoao, preskaŭ sola en sia familio, Konrád suferis silentigon dum la Kádár-epoko, post la apero de sia romano "A Látogató" (La vizitanto), kie li kritikis la gulaŝ-komunismon, sed precipe la atmosferon de cinika indiferento kaj konformismo kiu akompanis la enmemiĝon de multaj intelektuloj en Orienta Eŭropo, tiel ke oni parolis pri "ena enmigrado". Certe ekzistis rilato inter la fino de la Praga Printempo (1968) kaj la publikigo de lia romano (1969).

...

Legu pli


HeKo 718 1-C, 13 sep 19: Ronda jubileo por nia Konsulo

C-ano prof. Giorgio Silfer festis hodiaŭ en familia privata etoso sian 70-jariĝon.

La ronda jubileo koincidas kun la fino de lia konsula mandato, fakte la dua pro eksterordinara cirkonstanco; sed ĝuste tial, kvankam li povus prezidi ankoraŭ du jarojn, li proponis al la Senato la pasintan majon kunvoki novajn elektojn en 2019 anstataŭ 2021. Li rekandidatiĝis por lasta mandato, kiel simpla senatano, por submeti sin al la juĝo de la Civitanaro.

La datreveno tute ne signifas rezignon pri aktivecoj: male li ŝajnas pli kaj pli vigla, vojaĝema kaj produktiva por la esperanta kulturo. Verdire li tute ne montras sian aĝon.

...

Legu pli


HeKo 717 9-B, 12 sep 19: KALiFo kunvenis en Francio

La Administra Komitato de LF-koop (KALiFo) kunvenis hieraŭ en Francio, sub la prezido de sen. Marie-France Conde Rey, kun skajpa partopreno de sen. Anna Bartek, kio garantiis la kvorumon.

KALiFo ekzamenis la staton de la produktado, ĝojante pro la akurata kaj enhave valora organo "Literatura Foiro", ĉefredaktata de c-ino Perla Martinelli kaj presata en Bulgario. La gazetfako okupiĝas ankaŭ pri subteno al "Heroldo de Esperanto", kiun Kultura Centro Esperantista aĉetis kaj pagas pomonate, tute akurate. Estis ankaŭ donita la verda lumo al nova eldona projekto, kiu koncernas ankaŭ alian eldonejon.

...

Legu pli


HeKo 717 8-C, 11 sep 19: La Kapitulo neutralos pri la referendumoj


La Kapitulo kunvenis hodiaŭ en Angulemo (Francio) kun parte skajpa partopreno, sub la prezido de la Konsulo. La ekzekutiva instanco de la Esperanta Civito estis informita pri la pozitiva evoluo de la kapitalo ĉe la paktintaj establoj kun sidejo en Eŭropo, kaj pri la stagnado en la serĉado de tereno por konstrui Afrikan Esperanto-Instituton en Buĵumburo. Krome ĝi konstatis la larĝigon de la buralista stabo, per la aldono de nova staĝantino el Hispanio, ekde oktobro 2019: la staĝo, celanta la trejnadon de plurcela kadro apogonta la novan Konsulon, daŭros ses monatojn, ripeteblajn.
...

Legu pli


HeKo-arkivo

Esperanta Civito