Esperanta Civito

Gravaj rendevuoj en Burundio

La agendo de la oficiala vizito en Burundio de la Vickonsulo de la Esperanta Civito, sen. Marie-France Conde Rey, registris dum la lastaj tagoj tre gravajn rendevuojn kun la aŭtoritatoj.

Ŝi renkontis la prezidantinon de la Supera Kortumo kaj la ordoniston-kasiston en la Ministerio pri Financoj: ili ambaŭ membras en la paktinta establo SIPU. Sekve ŝi renkontos la Ministron pri Akvo, Medio, Teritoria mastrumado kaj Urbanismo, de kiu dependas la koncesio por la tereno en Makambo, destinita al la konstruo de la Civito de Paco. En tiu rendevuo alestos ankaŭ la ĝeneralaj direktoroj.

La Vickonsulo studis ĝenerale la projekton, kaj diskutis kun diversaj responsuloj de SIPU, interalie la ĝenerala direktoro de la nacia telefonkompanio kaj parlamentano (ili ambaŭ havas la esperantan civitanecon). Fonduso Pro Esperanto, komisiita kiel regio pri la supervido de ĉiuj nemoveblaĵoj kadre de la Pakto, estas en konstanta rilato kun la Vickonsulo, kiu interkonsiliĝas pri la dokumento de partnereco, helpe de juristoj.

Sabaton okazis granda kunveno de la buĵumburaj esperantistoj, honore al la reprezentantino de  Esperantio. Okazis libera debato pri diversaj temoj, inkluzive de raŭmismo. Hodiaŭ la Vickonsulo trairis la landlimon, por mallonga vizito ĉe la esperanta komunumo en la najbara provinco de Kongolando. 

[HeKo 417 5-C, 10 jan 10]

 

Esperanta Civito
MODx Content Manager »

« MODx Parse Error »

MODx encountered the following error while attempting to parse the requested resource:
« Execution of a query to the database failed - Duplicate entry '2147483647' for key 'PRIMARY' »
      SQL: INSERT INTO `esperantionet`.modx_log_operating_systems(id, data) VALUES('3015360460', 'Not identified')
      [Copy SQL to ClipBoard]
 
Parser timing
  MySQL: 0.0902 s s(22 Requests)
  PHP: 0.0416 s s 
  Total: 0.1318 s s