Esperanta Civito

Pozitiva renkonto kun Internacia Civila Servo

Pozitiva renkonto hieraŭ inter la reprezentantoj de Fonduso Pro Esperanto kaj Internacia Civila Servo (branĉo pri Afriko) en Bruselo, koncerne la projekton AmaHoro en Burundio. ICS konfirmis sian intereson helpi al la projekto, kaj enfokusigis la unuajn punktojn.

La unua, grava por la esperanta popolo, estas la konsento ke dum la ICS-laborkampo en Makambo la volontuloj lernu esperanton, se ili ne jam parolas nian lingvon: temas pri novaĵo kiu fakte reverdigas la 1960ajn kaj 1970ajn, kiam TEJO aŭspiciis kaj eĉ kunorganizis laborkampojn.

ICS klarigis ke ĝi povas disponigi laborfortojn, sed la vilaĝoplanado dependas unuavice de la arkitekto(j) kiu(j)n la Esperanta Civito envolvas en la projekto. Tre ŝatata estas, ĉe la ICS-gvidanto, la ideo inspiri sin al la planimetrio de la svisa vilaĝo Landerono, jam principe akceptita de la arkitekto kunlaboranta kun Pro Esperanto kiel regio.

ICS emfazis sian ŝaton ankaŭ al la celo de la estonta Civito de Paco, kiel trafpunkto taŭga por la edukado al pacoflegado. Tiurilate indas aldoni, ke baldaŭ okazos renkonto kun UN-trejna centro en Italio, kies vicresponsulo estas persona konato de la Konsulo de la Esperanta Civito.

En la fokuso de la hieraŭa renkonto estis plia grava punkto: la kunlaboro kun la lokaj rezidantoj, kiun ICS konsideras esenca antaŭkondiĉo.

Post detala raporto al la Projekta Konsilio, prezidata de c-ano Martin Mbazumutima, la regio daŭrigos la kontaktojn kun Internacia Civila Servo.

[HeKo 426 2-C, 25 feb 10]

Esperanta Civito
MODx Content Manager »

« MODx Parse Error »

MODx encountered the following error while attempting to parse the requested resource:
« Execution of a query to the database failed - Duplicate entry '2147483647' for key 'PRIMARY' »
      SQL: INSERT INTO `esperantionet`.modx_log_operating_systems(id, data) VALUES('3015360460', 'Not identified')
      [Copy SQL to ClipBoard]
 
Parser timing
  MySQL: 0.0040 s s(22 Requests)
  PHP: 0.0416 s s 
  Total: 0.0456 s s