Esperanta Civito

Komuniko de la Kabinda legacio: nova prezidento


La legacio de la Kabinda Respubliko ĉe la Esperanta Civito komunikas ke la 7an de marto du pliaj responsuloj de la sendependisma movado, vivantaj en ekzilo en la najbara Kongolando, estis kaperitaj de armitaj agentoj de Angolo.

La registaro de la Kabinda Respubliko kondamnas tiun terorisman agon, kaj akuzas pri kompliceco unu el la kunlaborantoj de la prezidinto de la Fronto por la Liberigo de Kabindo (FLEK). La kunlaboranto nomiĝas Belchior Lanso Tati, kaj Luando subaĉetis lin per eĉ tre malgranda sumo, laŭ la komuniko.

La prezidinto de FLEK, kaj provizora prezidanto de la respubliko, la 84-jara Nzita Tiago (vivanta en Parizo), ne plu okupas sian postenon, laŭ decido de Nkoto Likanda, la respublika parlamento, kiu kunvenis en Bruselo 4 februaro 2012. La sama kunveno elektis pastoron Afonso Masanga (kiu vivas en Nederlando) kiel novan provizoran prezidenton.

Per tiu enpostenigo, la sendependisma linio karakterizas nun la tutan Nkoto Likanda, kaj influas la kabindan diasporon.

[HeKo 501 4-C, 18 mar 12]
Esperanta Civito
MODx Content Manager »

« MODx Parse Error »

MODx encountered the following error while attempting to parse the requested resource:
« Execution of a query to the database failed - Duplicate entry '2147483647' for key 'PRIMARY' »
      SQL: INSERT INTO `esperantionet`.modx_log_operating_systems(id, data) VALUES('3015360460', 'Not identified')
      [Copy SQL to ClipBoard]
 
Parser timing
  MySQL: 0.1396 s s(22 Requests)
  PHP: 0.0395 s s 
  Total: 0.1791 s s