Esperanta Civito

HeKo - retagentejo de la Esperanta Civito

HeKo estas novaĵagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ lia delegito. La informoj estas: oficialaj de la Civitaj instancoj, se indikitaj per la litero C; bultenaj de paktintaj establoj, se indikitaj per la litero B; alies neoficialaj, pri kio ajn utila por la evoluo de Esperantio, se indikitaj per la litero A. Kaj pri Eŭropaj institucioj, se indikitaj per la litero E.
Eblas SENDI KOMENTARION aŭ ARTIKOLON tra la redakcia adreso.
Publikigo estas rajto por kiu havas la esperantan civitanecon, laŭdiskrecia por la ceteraj.
Eblas donaci monon por subteni nin pere de PayPal-konto: bonvolu demandi tra la redakcio
.
Nia poŝta adreso: Esperanta Civito > HeKo, strato Edinburgo 26, BE-1050 Bruselo (Belgio)


HeKo 683 4-C, 5 jul 18: La plej esperantista maro en la mondo


Laŭ invito de la prezidanto de Esperanto-Asocio de Estonio, s-ro Tonu Hirsik, hodiaŭ matene la Konsulo de la Esperanta Civito inaŭguris per mallonga alparolo la 54ajn Baltiajn Esperanto-Tagojn, kies unua renkonto, sub la nomo Baltia Esperanto-Tendaro, okazis antaŭ sesdek jaroj en Latvio.

"Pluraj el vi raportis pri siaj spertoj dum la lastaj jardekoj en BET. Mi ne parolos pri la pasinteco, sed pri la nuno kaj la perspektivoj de Esperantio" diris c-ano Silfer. "Ĝuste ĉi tiu regiono en la mondo estas la plej oportuna por tia analizo. Se oni demandus, kiu estas la plej esperantista rivero, probable oni respondus: la Danubo. Se oni demandus, kiu estas la plej esperantista maro, probable oni respondus: la Balta. Ne nur ĉar ĉi tie naskiĝis kelkaj el la unuaj, ankoraŭ ekzistantaj societoj (en Svedio ekzemple la dua en nia historio), sed precipe ĉar ĉi tiu areo travivis profundajn transformojn, socie ekonomie politike: ekde la cara epoko ĝis la sendependiĝoj fine de la unua mondmilito, tra la sovetiaj jardekoj ĝis la renoviĝo post la fino de Sovetunio."
...

Legu pli


HeKo 683 3-C, 3 jul 18: Resurektis la Esperanto-Instituto de Estonio


"La Esperanto-Instituto de Estonio, fondita post la unua mondmilito, neniam estis formale malpermesita. Simple ĝi nun daŭras laŭ novaj fortoj" deklaris c-ano V. Hromov hodiaŭ en Arensburgo/Kuuresaare, bonvenigante la Konsulon de la Esperanta Civito ĉe publika renkonto en la kulturdomo de la estona urbo, kiu kandidatas kiel kultura ĉefurbo de Eŭropo.

"La permeso de la cara cenzuro por la eldono de la Unua Libro datiĝas je la 2a de Junio. Se ni saltas je unu tago (respektante la oficialan fondon), esta ...

Legu pli


HeKo 683 2-A, 30 jun 18: Mil kaj unu lunoj festataj de Perla Martinelli


D-ino Perla Martinelli festis hodiaŭ en Helsinko siajn mil kaj unu lunojn. Kunestis intimaj finnaj geamikoj, precipe el Savonio kaj Tavastio, kaj la Konsulo ŝia edzo.

C-ino Martinelli elektis Finnlandon por sia jubilea festotago ankaŭ pro la agrablaj rememoroj kiuj ligas ŝin al la fora nordo, kie ŝi loĝis kaj instruis en 1976-78. La privata evento pasis tre agrable, interalie kun la vizito de la prezidantino de la Internacia PEN-Komitato por verkistoj en prizono.

Post kelkaj tagoj c-ino Martinelli prelegos pri la esperanto-verkistinoj dum la Baltiaj Esperanto-Tagoj en Estonio.
...

Legu pli


HeKo 683 1-B, 27 jun 18: Nova reprezentanto de esperanto en ALTE

La transnacia stabo de Kultura Centro Esperantista riĉiĝis per nova kunlaborantino: c-ino Lorena Bellotti. Ŝi anstataŭos c-inon Elisabeth Amstad ekde la venonta aŭtuno kiel reprezentanto de KCE ĉe Asocio de Lingvotestistoj en Eŭropo.

D-ino Bellotti, edukita en la itala, estas poligloto kun perfekta dulingvismo per la angla. Ŝia lingva nivelo en esperanto atingas B2. Profesie tradukisto kaj entreprenisto, ŝi kunlaboras ankaŭ kun Itala Interlingvistika Centro.

C-ino Amstad, vicprezidinto de KCE, restos en la publikrilata reto de la Esperanta Civito kiel korespondanto en Berno. La kulturcentro dankas pro ŝia ĝisnuna kontribuo.

...

Legu pli


HeKo 682 9-C, 25 jun 18: Kvalita kontrolo en la domoj zorge de la regio

Fondumo Pro Esperanto kiel regio enkondukis kvalitan kontrolon en 2011. Ekde 1 septembro 2018 responsos pri ĝi s-ino Beatriz Pérez, rekruto de la Civila Esperanta Servo, rezidanta en Svislando. Ŝia lingva preparo kompletiĝos en aŭgusto.

La kvalita kontrolo ĝis nun ne koncernas la ĝardenon de KCE, sed nur la internajn partojn de la diversaj nemoveblaĵoj. Tamen ekde septembro povos okazi evoluo tiurilate, depende de eventuala komisio fare de Kultura Centro Esperantista.

Rilatoj kun najbaroj restos tamen zorgo de la unuopaj proprietuloj, en la svisa Esperanto-Domo same kiel en la Elfonesto, la Pegonesto kaj la naturamika Esperanto-Domo en Malago.

...

Legu pli


HeKo-arkivo

Esperanta Civito