Esperanta Civito

Ekde 2014 merkrede la literaturaj kafejoj en Budapeŝto


Ekde 2014 la literaturaj kafejoj en Budapeŝto okazos en la tria merkredo de la monato, anstataŭ la tria ĵaŭdo. La literaturajn kafejojn organizas Fajszi Amika Rondo, sub la aŭspicio de Esperanta PEN-Centro, ĉe la Landa Fremdlingva Biblioteko (OIK), kiel ero de la oficiala monata programo de la biblioteko, kiu disponigas tiucele ankaŭ sian stabanon. La aranĝoj ekas je 17h30 akurate kaj daŭras ĉirkaŭ du horojn, inkluzive de kafo- aŭ tetrinkado.

La ŝanĝo de la tago interalie favoras la vizitantojn de ekster Budapeŝto, ĉar merkrede matene (9h00-12h00) eblas aliri la Fajszi-kolektaĵon, kiu estas fermita al la publiko dum la ceteraj tagoj. Daŭre necesos anonci sin per retmesaĝo ĉe la direkcio, plej malfrue la antaŭan tagon ĝis 16h00.

La literaturaj kafejoj donas la ŝancon al niaj aŭtoroj prezenti sian ĵusan verk(ar)on. Kunordigas ilin c-ano d-ro György Nanovfszky, helpas organize sen. Anna Bartek. En januaro-junio 2014 gastos (laŭ alfabeta ordo): Marie-France Conde Rey, Gábor Márkus, Carlo Minnaja, István Nemere, Bertil Nilsson, Giorgio Silfer. Tuj post la somera paŭzo estas jam invitita Perla Martinelli. Kutime en la plej malvarmaj monatoj prezentas hungaraj aŭtoroj, dum kun la milda sezono alvenas ankaŭ eksterlandaj.

Konceptite por levi la kulturan nivelon de la hungara esperantistaro, la literaturaj kafejoj altiras pli kaj pli da eksterlandanoj ankaŭ por la publiko. Ĝis nun tamen nur unu fojon venis pli ol dudek aŭskultantoj (por sen. Walter Zelazny, pri lia Zamenhof-verko, en la pasinta majo).

[HeKo 541 5-B, 12 okt 13]
Esperanta Civito
MODx Content Manager »

« MODx Parse Error »

MODx encountered the following error while attempting to parse the requested resource:
« Execution of a query to the database failed - Duplicate entry '2147483647' for key 'PRIMARY' »
      SQL: INSERT INTO `esperantionet`.modx_log_operating_systems(id, data) VALUES('3015360460', 'Not identified')
      [Copy SQL to ClipBoard]
 
Parser timing
  MySQL: 0.0040 s s(22 Requests)
  PHP: 0.0355 s s 
  Total: 0.0395 s s