Esperanta Civito

Volontuloj bezonataj por Esperanto-Domoj

Fondumo Pro Esperanto kiel regio, interkonsente kun Kooperativo de Literatura Foiro (pro kontrakto pri homaj resursoj kun KCE) kaj aliaj koncernataj instancoj en Svislando, Hispanio kaj Hungario, estas selektonta deĵorantojn por la Esperanto-Domoj en Ĉaŭdefono kaj Malago, kaj por la Orienta Legacio en Budapeŝto.

La deĵorantoj estas volontuloj ricevantaj repagon de vojaĝkostoj, ĉiutagan repagon pro la manĝoj, senpagan komfortan loĝeblecon kaj aliajn avantaĝojn. Surloke ili partoprenas esperantologian formadon kaj plenumas diversajn taskojn, dum kvin tagoj semajne laŭ rutina laborhoraro (la dommastrumado okupas inter kvar kaj dek ses horojn semajne, laŭ la grandeco de la nemoveblaĵo kaj la nombro da gastoj). La restado varias de minimume du semajnoj ĝis maksimume tri monatoj sinsekve.

Por kandidatiĝi necesas havi lingvan nivelon B.1 en esperanto kaj eventuale konojn pri la lokaj lingvoj. Necesas ankaŭ havi la pasporton de ŝtato por kiu Eŭropa Unio aŭ Svislando ne postulas vizon, aŭ havi almenaŭ la esperantan civitanecon.

Pli da informoj tra Fondumo Pro Esperanto aŭ ankaŭ nia redakcio.

[HeKo 549 3-C, 4 jan 14]

Esperanta Civito
MODx Content Manager »

« MODx Parse Error »

MODx encountered the following error while attempting to parse the requested resource:
« Execution of a query to the database failed - Duplicate entry '2147483647' for key 'PRIMARY' »
      SQL: INSERT INTO `esperantionet`.modx_log_operating_systems(id, data) VALUES('3015360460', 'Not identified')
      [Copy SQL to ClipBoard]
 
Parser timing
  MySQL: 0.0040 s s(22 Requests)
  PHP: 0.0378 s s 
  Total: 0.0418 s s