Nemere kaj Nanovfszky en la literatura kafejo
La duan jaron de la literaturaj kafejoj en Budapeŝto, organizitaj de Fajszi Amika Rondo sub la aŭspicio de Esperanta PEN-Centro, inaŭguris c-anoj István Nemere kaj György Nanovfszky, hieraŭ vespere ĉe la Landa Fremdlingva Biblioteko.
La literaturema publiko, pli multnombra ol kutime, aŭskultis la prezenton de la lasta libro de I 2-B, 17 stván Nemere, kun la biografio de György Nanovfszky en formo de longa, verva intervjuo. Tial ke la libro estis verkita en la hungara, esceptokaze la gastoj uzis la hungaran lingvon. Estis prezentita ankaŭ la 20-minuta filmo, kiun faris Hungara Televido, kun d-ro Nanovfszky, en 2011.
Dum la prezento de la filmo, la esperanto-referantino de la biblioteko, f-ino Anikó Nemes, zorgis pri la tekniko. Por la organizo kaj informado zorgis sen. Anna Bartek, vickunordigantino de FAR. Ekde februaro ŝin helpos s-ro Imre Keményfi. La tutan literaturan kafejon surbendigis per videokamerao Jozefo Dudás.
[HeKo 550 2-B, 17 jan 14]
