Kunveno pri la tradukinto de la "Dia Komedio"
Kunveno pri "Giovanni Peterlongo, la esperantista urbestro" okazos itallingve en Trento, 24 junio 2014, 16h15, ĉe la urba biblioteko. Interalie ĝi honoros la 50an datrevenon de la publikigo de lia traduko de "La Dia Komedio" de Dante Alighieri kaj la centjariĝon de la Trenta Esperanto-Grupo.
Prelegos
Giuseppe Ferrandi, direktoro de la Historia Muzeo de Trentolando:
“Giovanni Peterlongo kaj lia Trentolando".
Andrea Robol, urba skabeno pri kulturo: “Giovanni Perterlongo, la homo kaj la politikisto”.
Serenella Baggio, Universitato de Trento: “La lingva situacio de Trentolando”.
Davide Astori, Universitato de Parmo: “Giovanni Peterlongo kaj Esperanto”.
Carlo Minnaja, Universitato de Padovo, Akademio de Esperanto:
“Antologio en esperanto pri la trentolanda literaturo”.
Alparolos interalie Giovanni Peterlongo, la nepo kaj Silvano Garbari, prezidanto de Trenta Esperanto-Grupo.
[HeKo 560 5-A, 19 jun 14]
