La Kapitulo kunvokita al Andaluzio en oktobro
La Kapitulo de la Esperanta Civito estas kunvokita al la naturamika Esperanto-Domo en Malago, je 9 oktobro 2014 je 14h30, por ordinara kunveno, sub la prezido de la Konsulo, sen. Marie-France Conde Rey.
En la tagordo elstaras la raportoj de la diversaj kapitulanoj pri la stato de siaj delegoj kaj la kunvoko de la parlamenta sesio 2015 (por kiu tamen necesas kundecido de la opozicioj, almenaŭ por la Senato).
Ĉiuj kvin eŭrope rezidantaj kapitulanoj jam konfirmis sian ĉeeston. La du afrikaj partoprenos la kunvenon per skajpo.
[HeKo 564 5-C, 12 sep 14]
