Zelazny en Kirgizio pro la PEN-mondkongreso
Ekos morgaŭ la 80a PEN-mondkongreso en Biŝkeko (Kirgizio), kie reprezentiĝos okdeko da literaturoj, inter ili ankaŭ la esperanta. Niaj voĉrajtaj delegitoj ĉe la Asembleo estas prof. d-ro hab. Walter Zelazny kaj d-ino Chiara Macconi. C-ano Zelazny partoprenas unuafoje PEN-mondkongreson, kiel sekretario de la Esperanto-Centro.
Verkistoj, publicistoj kaj poetoj diskutos pri la ĉeftemo: "Mia lingvo, mia rakonto, mia libereco". Inter ili Yann Martel (kebekia), Maŝa Gessen (rusamerika), Andrei Kurkov (ukraina), Carlos Gamerro (argentina), Dunja Mijatović (OSCE-reprezentanto pri Libereco en la amaskomunikiloj) kaj Olĵas Sulejmenov (kazaka).
La kongreso proponas platformon por verkistoj el la eŭrazia regiono kaj tra la mondo, por pritrakti regionan literaturon, lingvajn rajtojn kaj la interrilatojn de literaturo, ĵurnalismo kaj esprimlibero.
Enestos ankaŭ elektoj: por la posteno de internacia sekretario nia Centro subtenos la katalunan kandidaton, Carles Torner, kiu estas persona konato de c-ano Giorgio Silfer.
[HeKo 565 8-B, 28 sep 14]
Canadian writer Yann Martel, Russian-American journalist Masha Gessen, Ukrainian novelist Andrei Kurkov, Argentinean novelist and translator Carlos Gamerro, OSCE Representative on Freedom of the Media Dunja Mijatović and Kazakh poet Olzhas Suleimenov in Kyrgyzstan’s capital city. - See more at: http://www.pen-international.org/newsitems/writers-from-80-pen-centres-from-across-the-globe-gather-in-bishkek-for-the-80th-pen-international-congress/#sthash.LR23HKCB.dpuf
