Esperanta Civito

Literatura kafejo kun jubileanta Nemere


La fondumo Fajszi Amika Rondo en Budapeŝto havis sian monatan literaturan kafejon hieraŭ vespere en la Landa Fremdlingva Biblioteko (OIK). Ĉi-foje la programo estis dediĉita al la mondfama hungara/esperantista verkisto István Nemere, kiu 8 novembro 2014 festis sian 70-jariĝon.

La vesperon gvidis la prezidanto de FAR, c-ano prof. György Nanovfszky, kiu koncize parolis pri la ĝisnuna kariero de c-ano Nemere – 638 aperintaj libroj, verkitaj en tri lingvoj kaj tradukitaj al dek naciaj lingvoj en dek kvar landoj. Sume dek du milionoj da eldonitaj ekzempleroj. Poste la jubileanto parolis pri sia verkista agado kaj respondis la demandojn de la gvidanto de la kunveno.

La sukcesa vespero finiĝis kiel kutime: la partoprenantoj aĉetis librojn de la aŭtoro kaj en esperanto kaj en hungara, kiujn la verkisto subskribis. La vesperon partoprenis tridek personoj, esperantistoj, legantoj de Nemere el diversaj urboj kaj vilaĝoj de Hungario.

Post la literatura kafejo la estraro de la Hungaria Esperanto-Asocio varme kaj tutkore salutis kaj gratulis István Nemere kaj transdonis la donacon de la hungara esperantistaro. János Nagy, vicprezidanto de HEA, laŭtlegis poemon verkitan de Mária Eszes (el Pécs) speciale por tiu ĉi evento.

[HeKo 568 3-B, 21 nov 14]
Esperanta Civito
MODx Content Manager »

« MODx Parse Error »

MODx encountered the following error while attempting to parse the requested resource:
« Execution of a query to the database failed - Duplicate entry '2147483647' for key 'PRIMARY' »
      SQL: INSERT INTO `esperantionet`.modx_log_operating_systems(id, data) VALUES('3015360460', 'Not identified')
      [Copy SQL to ClipBoard]
 
Parser timing
  MySQL: 0.0045 s s(22 Requests)
  PHP: 0.0422 s s 
  Total: 0.0468 s s