Esperanto-Kurso en fora Kanaria insulo
En la plej fora Kanaria insulo (kie tamen naskiĝis Juan Régulo Pérez en 1914) laŭ invito de lokaj naturamikoj c-ano prof. Giorgio Silfer ĵus finis intensivan esperanto-kurson.
Esperanta Naturamikaro nun planas Internacian Naturamikan Semajnon por la fino de oktobro - komenco de novembro 2016. La aranĝo disvolviĝos parte en insulo Tenerifo parte en insulo Palmo, kun eta krozado inter la du (kaj etapo en insulo Gomero). Eblos grimpi al montoj eĉ relative altaj, en ambaŭ insuloj, kaj viziti urbon La Laguna, enskribitan en la Monda Kultura Heredaĵo fare de Unesko.
En prestiĝa palaco de la antikva urbocentro de La Laguna situas la sidejo de la Esperantista Societo de Tenerifo, kun kies responsuloj ankaŭ okazis interesa kontakto.
[HeKo 570 8-B, 31 jan 14]
