Pardonpeto nome de la UEA-oficistaro
Grava kaj bedaŭrinda eraro en la januara numero de la revuo "Esperanto": la intervjuo kun la aŭtoroj de la libro "Historio de la esperanta literaturo" ne havas titolon!
La redaktoro ne atentis tion, nek la provleganto en la Centra Oficejo de UEA, nek la Ĝenerala Direktoro, kiu ricevas la artikolojn dum la provlega fazo, nek la estraranoj de UEA, kiuj ricevis la antaŭlastan version (kelkaj eĉ kunlaboris per sendo de kelkaj korektoj en aliaj artikoloj).
Tamen, plene respondecas pri la eraro nur la redaktoro, kiel ĉiam estis, ĉar laŭ la kontrakto inter UEA kaj la redaktoro, la provlegado de la oficiala organo de UEA ne estas laboro de skipo, sed afero nur de la redaktoro.
La provlegado estas neoficiala servo de volontuloj, kiu tre bonvoleme klopodas helpi laŭ sia forto kaj tempo kaj tute ne povas respondenci pri sia propra manko de atento. Cetere, ŝajne la volontulo en Roterdamo ne havis tempon provlegi la intervjuon kun Giorgio Silfer kaj Carlo Minnaja.
Fabrício Valle, la redaktoro, pardonpetas al ĉiuj legantoj.
[HeKo 589 2-A, 2 jan 16]
Unu el la intervjuitoj komentarias:
Prefere sen titolo ol kun maltrafa titolo, kiel en la artikolo de Sten Johansson, kiu ne konas la signifon de la vorto "kroniko"...
C-ano Carlo Minnaja komentarias:
En la intervjuo, sub la foto de Carlo Minnaja la didaskalio erare skribas Carlos.
