Esperanta Civito

NEL pri pac-Nobelo al UEA

Al UEA (Roterdamo) kun kopio al la komisiito Claude Longue Epée, Francio
kaj la estraranino pri la landaj kaj regionaj agadoj Maritza Gutiérrez, Kubo.

Norvega Esperanto-Ligo ricevis la cirkulerajn instigojn de UEA kontribui al kampanjo celanta al la kandidatigo de UEA por la Nobel-premio pri Paco de 2008.

Ni kiuj loĝas en la lando kie la Nobel-pacpremio estas ĉiujare asignita kaj transdonita eble pli facile ol alilandanoj konatiĝis kun la kondiĉoj por la elektoj. De jaroj ni miras pri la kampanjoj de UEA pri tiu premio.

Ni bedaŭras devi esprimi nian sinceran opinion ke la agado de UEA por la paco neniel sufiĉas por meriti konsideron por la Nobel-pacpremio.

Eĉ la prave prifierataj korespondaj servoj dum la (antaŭlongaj) mondmilitoj ne toleras komparon kun la paralela servo de la Ruĝa Kruco. Kaj en la hodiaŭa internacia areno Esperanto kaj UEA apenaŭ videblas.

Ni memorigas ankaŭ pri la atentigo de Gunnar Gällmo (en retpoŝto 3 jan 2007) , kiu (traduke) citis deklaron de la norvega pacpremia komitato: " ke kampanjoj ... organizataj favore al unuopaj kandidatoj ... malmulte influas la elekton de la komitato, kaj povas facile efiki kontraŭ sia intenco".

Ankaŭ mankas "propaganda" valoro de kandidatigo, ĉar (samdeklare) "La komitato ne publikigas nomojn de la kandidatoj proponitaj".

Sekve ni konsilas al UEA nuligi la kampanjon. Ni opinias ke pli valorus konkreta laboro por pli vasta uzado de Esperanto, ekzemple en nova porpaca aktiveco.

Nome de la estraro de Norvega Esperanto-Ligo
kunlaboreme salutas
Douglas Draper
sekretario

[HeKo 323 3-A, 7 feb 07]

Esperanta Civito
MODx Content Manager »

« MODx Parse Error »

MODx encountered the following error while attempting to parse the requested resource:
« Execution of a query to the database failed - Duplicate entry '2147483647' for key 'PRIMARY' »
      SQL: INSERT INTO `esperantionet`.modx_log_operating_systems(id, data) VALUES('3015360460', 'Not identified')
      [Copy SQL to ClipBoard]
 
Parser timing
  MySQL: 0.0051 s s(22 Requests)
  PHP: 0.0442 s s 
  Total: 0.0492 s s