Esperanta Civito

Pupistoj en prizono post prezento en esperanto

Du pupistoj estis enprizonigitaj en Madrido sub akuzo de terorismo, pro pupteatra prezento (parte) en esperanto.

La verko, titolita en la kastilia "La sorĉistino kaj Sankta Kristoforo", estis spektaklo dum la lasta karnavalo en la hispana ĉefurbo, ludita de la ensemblo Títeres desde Abajo. Krom enkonduko en la kastilia, la teatraĵo estas plejparte pantomimo, tamen kun kelkaj partoj en lingvoj nekompreneblaj por hispano: unu ĉar kulture tro ariergarda (la latina de juĝisto), la alia ĉar kulture tro avangarda (la esperanta de la ceteraj).

La aresto, kun kvin tagoj de dura reĝimo, estis dekretita de madrida juĝisto, post la denunco de diversaj spektintoj, precipe patrinoj de hazarde ĉeestantaj infanoj. Efektive ne mankas perfortaj scenoj en la dramo, kiel la pendumo de monaĥino kaj la elventrigo de gravedulino, sed la akuzon pri terorismo kaŭzis la apero de afiŝeto subtene al la vaska organizo ETA.

De kie fontas la teksto? Ŝajne ĝin aŭtoris anarkiisto en Malago, helpe de andaluza esperantisto, ankaŭ anarkiisto, nomata David Rodriguez. Embaraso ĉe Hispana Esperanto-Federacio, prezidata de Antonio Del Barrio, en Madrido...

[HeKo 596 2-A, 16 mar 16]

Esperanta Civito
MODx Content Manager »

« MODx Parse Error »

MODx encountered the following error while attempting to parse the requested resource:
« Execution of a query to the database failed - Duplicate entry '2147483647' for key 'PRIMARY' »
      SQL: INSERT INTO `esperantionet`.modx_log_operating_systems(id, data) VALUES('3015360460', 'Not identified')
      [Copy SQL to ClipBoard]
 
Parser timing
  MySQL: 0.0042 s s(22 Requests)
  PHP: 0.0369 s s 
  Total: 0.0411 s s