Esperanta Civito

La Kapitulo salutas la fervojistan Kongreson


Solena malfermo de la Internacia Fervojista Esperanto-Kongreso hodiaŭ matene en Varno, sub la prezido de s-ino Rodica Todor. La prezidantino de Internacia Fervojista Esperanto-Federacio "donis tre bonan impreson per sia interveno, kun tre bona analizo kaj karakterizado de Bulgario", rimarkas c-ino Miroslava Kirova, kiu salutis la kongreson nome de la Kapitulo de la Esperanta Civito.

"La Civito ne kutimas sendi saluton al esperantista kongreso. Kial okazas escepto por ĉi tiu kongreso? Pro tri kialoj." Tiel komencis c-ino Kirova. "Unue, ĉar via organizo partoprenis en la unua forumo, en Svislando (aŭgusto 1998): ĝin reprezentis d-ro Romano Bolognesi, via prezidinto. Li kontribuis al la redaktado kaj aprobo de la Pakto por la Esperanta Civito, la 10an de aŭgusto."

"Due, ĉar la Kapitulo havas profundan estimon al diversaj aktivuloj de IFEF. Ni ĵus menciis d-ron Bolognesi, permesu mencii ankaŭ la nunan prezidanton, s-inon Rodica Todor, kaj almenaŭ lokan aktivulinon en Bulgario, c-inon Ivanka Stojanova".

"Trie, kaj plej grave por ĉi tiu saluto, ĉar IFEF ne estas la kutima esperantista organizo". C-ino Kirova tiam emfazis paralelon inter IFEF kaj establoj aliĝintaj al la Pakto: ofte ili apartenas al du tegmentaj organizoj -- la esperantlingva kaj alia supernacia neregistara organizo.

"IFEF do havas la ŝancon ne nur kontribui al la evoluo de la esperanto-mondo, sed ankaŭ konfrontiĝi kun specifa kategorio, kiu agnoskas ĝin. Tio estas escepta, dum longa tempo eĉ unika kazo en la tiel nomataj fakaj esperanto-asocioj. Kaj tiun valoran karakterizon ni trovas, ĉi-jarcente, precipe en la Esperanta Civito. Tiu simileco vekas nian pozitivas atenton pri IFEF" daŭrigis la vickonsulo. "Vi ne estas la kutima fakasocio de hobiuloj. Vi situas ene de pli vasta socia mozaiko. Aldone, vi estas la sola laborista movado kiu kreskis kaj progresis ekster la tradicia laborista esperanto-movado. Vi reprezentas dufoje unikaĵon".

La finan bondeziron la Kongreso varme aplaŭdis.

(HeKo 601 6-C, 22 maj 16)

Esperanta Civito
MODx Content Manager »

« MODx Parse Error »

MODx encountered the following error while attempting to parse the requested resource:
« Execution of a query to the database failed - Duplicate entry '2147483647' for key 'PRIMARY' »
      SQL: INSERT INTO `esperantionet`.modx_log_operating_systems(id, data) VALUES('3015360460', 'Not identified')
      [Copy SQL to ClipBoard]
 
Parser timing
  MySQL: 0.1184 s s(22 Requests)
  PHP: 0.0473 s s 
  Total: 0.1658 s s