Esperanta Civito

La Ondo de Esperanto: jubileo kaj papera pereo


La gazeto "La Ondo de Esperanto" [re]festas ĉi-semajne la arĝentan jubileon de sia dua epoko. La periodaĵo produktata de Sezonoj per sia dudekkvina jarkolekto fermas la paperan eldonadon: ekde 2017 (cent jarojn post la fino de la unua epoko) LOdE aperos nur virtuale.

"Ne temos nur pri la PDF-formatigo de ia papera versio: ni planas pli interaktivajn retpaĝojn", diras Aleksander Korĵenkov, la ĝisnuna ĉefredaktoro. Li tamen ne estas certa pri la sorto de la reta varianto pri aktualaĵoj, "La Balta Ondo".

La fermon de la reala epoko kaŭzus la kreskantaj kostoj kaj penoj, kompare kun la virtuala produktado, kiu jam garantias altan procenton de la nuna profito. Aliflanke, la redakta kaj administra strukturo restus la sama, sur la ŝultroj de la paro Korĵenkov-Gorecka.

Ĉu s-ro Korĵenkov ne estus taŭga redaktoro de la organo de UEA, nun tiom malfruanta ke la UEA-membraro ne ricevos ĝustatempe la estrarajn raportojn? Li ridetas kaj neas: "Unue estus demando pri libero, kvankam mi ne scias kiel kondutas la nova ĝenerala direktorino; kaj due mi ne sentus min kongrua por pritrakti tiajn temojn kia estas la daŭripovo aŭ simile..."

La jubileanta LOdE ne estas kulture konkurenca kun "Literatura Foiro", sed jes informe konkurenca kun "Heroldo de Esperanto". Eble la ĉeso de la papera LOdE oportunos por la ambiciaj planoj de la nova eldonejo de HdE.

(HeKo 605 5-A, 4 jul 16)

S-ro Aleksander Korĵenkov komentarias:

La supra teksto atribuas al mi vortojn, kiujn mi certe neniam uzis; ekzemple, la esprimo “mi ne sentus min kongrua” ne povus esti dirita de mi, ĉar neniam mi parolas tiel strange kaj mi ne komprenas ĉu kaj kiel oni sentas sin kongrua.
Krome, la datreveno de “La Ondo de Esperanto” estas la 23a de majo, kaj ekzakte tiudate okazis eta festo en Kaliningrado, kaj la pasintsemajna redakcia akcepto en Birštonas okazis ses semajnojn post la datrevena tago.
HeKo atribuis al mi ankaŭ jenajn vortojn: “ni planas pli interaktivajn retpaĝojn”. Certe mi ne diris tion, ĉar reale ni planas aldoni al la elektronika versio laŭ la normo “pdf” (kiu aperas ekde 2007), tiun laŭ la normo “ePub”, sed neniuj interaktivajn paĝojn ni planas.
Ankaŭ la vortojn “Unue estus demando pri libero” mi neniam diris; tia esprimo, same kiel la du supre ciitaj, estas tute ekster mia kutima stilo.
Pri la kaŭzoj de la ĉeso de la paperforma gazeto kaj pri la redakciaj planoj ni baldaŭ sciigos en nia novaĵretejo. Dankon al ĉiuj gratulintoj!

C-ano Giorgio Silfer respondas:
Eblas ke vi ne uzis precize iujn vortojn redonitajn de mi al la redakcio resumante viajn pensojn.
Tamen la frazon "Unue estus demando pri libero" (kun la ne kontestata aldono pri la nuna ĝenerala direktoro) certe mi bone aŭdis.
Esperanta Civito
MODx Content Manager »

« MODx Parse Error »

MODx encountered the following error while attempting to parse the requested resource:
« Execution of a query to the database failed - Duplicate entry '2147483647' for key 'PRIMARY' »
      SQL: INSERT INTO `esperantionet`.modx_log_operating_systems(id, data) VALUES('3015360460', 'Not identified')
      [Copy SQL to ClipBoard]
 
Parser timing
  MySQL: 0.0050 s s(22 Requests)
  PHP: 0.0439 s s 
  Total: 0.0488 s s