Esperanta Civito

Inter Brexit kaj Katalunio sinkas Eŭropa Unio?


Dum la lastaj semajnoj, sen aparta peno la diplomatio de Madrido izolis la sendependismon de Barcelono sur la internacia tavolo. La plej rapida subtenanto de Madrido fariĝis Eŭropa Unio.

Ne surprizas ke la Konsilio, konsistanta el la rektaj reprezentantoj de la membroŝtatoj sub la prezido de la pola Donald Tusk, distanciĝis de la katalunistoj. Ankaŭ ne surprizas la sinteno de la prezidanto de la EU-Parlamento, Antonio Tajani, hispanisto el la sama partio de ĉefministro Mariano Rajoy. Iom surpriza povus esti nur la pozicio de Jean-Claude Juncker, prezidanto de la Komisiono, ĉar tiu ĉi konstitucie reprezentas la interesojn de la konfederacio fronte al la interesoj de la membroŝtatoj, kaj la ĵusa kazo de la brita secesio, kun forta eŭropismo en Skotlando kaj Norda Irlando, montris ke periferia regiono estas pli proksima al Bruselo ol centralisma metropolo.

Sed se Eŭropa Unio, kaj specife la Komisiono, ne defendas la interesojn de la uniemaj Skotlando kaj Katalunio, tio signifas ke ĝi forlasas skotojn kaj katalunojn al sia destino ene de malfederemaj naciŝtataj subjektoj. La plej danĝera konsekvenco de tiu politika linio estus la kupliĝo de la secesiemaj Farange, Le Pen kaj Salvini al la sendependismo de skotoj kaj katalunoj, kies naturo estas tute alia ol tiu kiu motivas Brexit aŭ Frexit.

La paradokso realiĝas ĝuste en Hispanio, kie monarkia strukturo rekte origininta el la frankisma epoko, bazita sur la sama slogano "España grande y una", trafas la apogon de supernacia konfederacio, kiu devus eksporti la alternativan sloganon "Eŭropa, bela kaj multopa / Europa pulchra et multiplex".

La antieŭropismo estas forte progresanta. Pozas kontraŭ Eŭropo la orientanoj. Volas secesii la dekstruloj en Britio, Francio kaj Italio. Estas frustritaj la eŭropemaj demokratoj en Katalunio kaj Skotlando. Protestas kontraŭ EU tiuj kiuj ankoraŭ kredas en la klasbatalo. S-ro Juncker kaj liaj kolegoj riskas krei ĉirkaŭ si unuanimecon tiel kuriozan kiel danĝeran.

(Giorgio Silfer)

[HeKo 662 5-E, 23 okt 17]
Esperanta Civito
MODx Content Manager »

« MODx Parse Error »

MODx encountered the following error while attempting to parse the requested resource:
« Execution of a query to the database failed - Duplicate entry '2147483647' for key 'PRIMARY' »
      SQL: INSERT INTO `esperantionet`.modx_log_operating_systems(id, data) VALUES('3015360460', 'Not identified')
      [Copy SQL to ClipBoard]
 
Parser timing
  MySQL: 0.1132 s s(22 Requests)
  PHP: 0.0353 s s 
  Total: 0.1484 s s