Esperanta Civito

Pliaj landaj asocioj en la Pakton

Unu plia landa asocio decidis ĉi-semajne peti la aliĝon al la Pakto por la Esperanta Civito: la koncernaj dokumentoj estas survoje, kaj estos ekzamenataj fare de membro de la Kortumo meze de marto, por konstati ilian regulecon kaj eventuale peti kompletigon antaŭ la transdono al la Forumo. La akcepto de nova establo ja dependas de la decido de la asembleo de la paktintoj.

Alia landa asocio decidos baldaŭ pri la aliĝpeto. Ne estas certe ke la dokumentoj atingos akurate la Forumon, antaŭ la parlamenta sesio en aprilo. Se jes, kaj ĉio estus en ordo, duobliĝus la nombro da landaj asocioj kiuj aliĝis al la Pakto kaj daŭre membras: de du al kvar. La du paktintaj landaj asocioj estas la meksika (ekde 2006) kaj la niĝeria (ekde 2008).

Por peti la aliĝon al la Pakto necesas: a) la koncerna eltiraĵo de la protokolo de la asembleo aŭ deputita instanco kiu aprobis la aliĝpeton; b) la statuto de la asocio (sufiĉas fotokopio); c) la akompana letero kun la subskribo de la prezidanto kaj/aŭ de la laŭleĝa reprezentanto. Post la akcepto de la aliĝpeto, la Civitana Registro petas la membroliston, por kontroli la aŭtentecon de la eventualaj petoj pri la esperanta civitaneco: tiuj petoj, fare de esperantlingvanoj, devas esti individuaj, liberaj kaj spontanaj.

La Civito ne petas atestilon pri la lingvokono, se tiun garantias la peranta establo. Tiu atestilo estas necesa (en nivelo A2) nur por la personoj kiuj petas la civitanecon pro unuagrada parenceco (edz/in/o aŭ fil/in/o de esperanta civitano).

[HeKo 383 4-C, 26 feb 09]

Esperanta Civito
MODx Content Manager »

« MODx Parse Error »

MODx encountered the following error while attempting to parse the requested resource:
« Execution of a query to the database failed - Duplicate entry '2147483647' for key 'PRIMARY' »
      SQL: INSERT INTO `esperantionet`.modx_log_operating_systems(id, data) VALUES('3015360460', 'Not identified')
      [Copy SQL to ClipBoard]
 
Parser timing
  MySQL: 0.1102 s s(22 Requests)
  PHP: 0.0414 s s 
  Total: 0.1516 s s