Trejnkurso en Togolando
Inter la 16a kaj 31a de decembro 2009 okazos en Institut Zamenhof (posedata de la paktinta establo TIETo en Lomeo) trejnkurso por esperanto-instruistoj, rezervita al deko da partoprenontoj. Por efika selektado nun okazas prepara kurso, kun la suba programo.
Paŝo I: Nia biblioteko. Paŝo II: El la Fundamento de Esperanto. Paŝo III: Zamenhof kaj Esperanto (iom da Historio) Paŝo IV: Esperantismo. Paŝo V: Iom da metotidiko pri la E-instruado. Paŝo VI: Uzado de Vortaroj. Paŝo VII: Valoroj de Esperantaj diplomoj. Paŝo VIII: Tendencoj en la Esperanto-movado. Paŝo IX: Vivokonceptoj. Paŝo X: Nutrado de la tuta Homo. Paŝo XI: Tropo kaj Fabeloj/Proverboj afrikaj.
La preparkurso komenciĝis 2 oktobro 2009, kaj ĵus iris la paŝo III al la kursanoj. Laŭ la tempoplanado, en ĉiu semajno la kursanoj ricevas almenaŭ unu paŝon. Tiel ĝis la fino de novembro ĉiuj paŝoj estos en la manoj de la kursanoj. Ĝis nun ĉio iras tre bone, kaj esperindas, ke tiel pluestos ĝis la fino de la prepara kurso, kaj tiel estos ankaŭ por la trejnkurso mem en decembro 2009. La preparan kurson nun gvidas laborantoj de ACE (Afrika Centro Esperantista), kiuj gvidos ankaŭ la ĉeestan kurson en decembro 2009.
Certe la kursanoj bezonas materialon. Jes, se iuj ŝatus helpi al la partoprenantoj de la trejnkurso, tiuj disponigu al ACE iu(j)n el jenaj libroj: Fundamento de Esperanto; Lingvaj Respondoj; La tuta Esperanto; Historio de Esperanto; Vivo de Zamenhof; Metodiko de la Esperanto-instruado.
Informas <afrikacentro@hotmail.com> kaj ankaŭ nia redakcio.
[HeKo 407 5-B, 21 okt 09]
