Mariola Jobin estas la nova kvestoro
C-ino Mariola Jobin, kun pola kaj svisa ŝtatanecoj, loĝanta en Loklo (kie ofte okazas parlamentaj sesioj), estas la nova kvestoro ĉe la parlamento de la Esperanta Civito.
Mem parlamentanino (en la Forumo ŝi reprezentas Feminisman Esperantan Movadon) c-ino Jobin aktivas en la kooperativo de Literatura Foiro, kie ŝi responsas pri la kongresfako. Ĝuste la kompetento en tiu ĉi kampo estas aparte bezonata por la kvestora ofico.
Ŝi estis nomumita de la Konsulo por dek du monatoj, ĝis 20 januaro 2011, kun la eblo de komisia renovigo; tiel ŝia mandato koincidas kun la preparo de la parlamenta sesio en Afriko, kaj ĝia disvolviĝo.
[HeKo 419 8-C, 21 jan 10]
