EDE kunvokis internacian konferencon
La 3a internacie federala konferenco de la politika movado Eŭropo-Demokratio-Esperanto okazos en Alsoörs (Balatona lago, Hungario), 25-27 jun 10.
En la agendo estas la raporto de la prezidanto, la diskuto pri la komuna programo de la landoj en la EDE-Federacio kaj tri prelegoj kun diskutoj: "La evoluo de la politika konscio en Esperantujo. Kion atingis EDE ĉe la ĝenerala publiko?", "La evoluo de la demokratio en Eŭropa Unio post 1989", "La politika situacio en diversaj eŭropaj landoj kaj iliaj rilatoj al Eŭropa Unio".
EDE ekzistas en tri el la dudek sep landoj de EU: Francio, Germanio, Hungario. En Francio ĝi estas relative forta, kvankam iom kaosa movado, laŭ sen. Marie-France Conde Rey (kiu ĉeestis unu el ĝiaj lastaj asembleoj, kvankam ŝi ne membras en EDE). En Germanio ĝi ĵus spertis la skismon de UM (Unu Mondo, aŭ Ulrich Matthias?). En Hungario ĝi estas jungita al la frakcio de László Szilvási.
[HeKo 429 5-A, 17 mar 10]
