Kongreso kaj retbaloto en du rekomendoj
La Blanka opozicio atingis hodiaŭ la aprobon de Senata rekomendo por la okazigo de ĉiujara kongreso de raŭmistoj. La rekomendo fontis el interpelacio de sen. Anna Bartek, al kiu la Konsulo kaj la Vickonsulo (kun delego pri internaj aferoj) donis principe pozitivan respondon.
La rekomendo allasas la eblecon, ke la raŭmistoj kunvenos dum aŭ apud ia internacia kongreso, esperantista aŭ ne. Se ne jam en 2012, certe en aprilo 2013 la Afrika Kongreso en Esperanto estos tia kongreso. En Burundio okazos ordinara parlamenta sesio, kaj aliaj aranĝoj.
La Kapitulo, engaĝita de la rekomendo, devos zorgi ke la elekto de la datoj ne koliziu kun la programoj de la paktintoj, ekzemple la somera kalendaro de KCE.
Sen. Ljubomir Trifonĉovski proponis ke la Kapitulo esploru la eblecon organizi la elektojn al la Senato ankaŭ per retbaloto. La koncerna rekomendo estis aprobita unuanime. Ĝis nun la elektoj okazis ĉiam per ordinara poŝto, se la voĉdonanto ne povis persone alesti.
[HeKo 484 1-C, 3 jun 2011]
