Laŭdo el AIS por "Heroldo de Esperanto".
"Tro ofte kelkaj anoj de UEA ne amike pritaksas kelkajn niajn samideanojn de Heroldo kaj la [Esperanta] Civito" publike deklaris Alicja Lewanderska-Quednau, "tamen oni honeste konstatu: ĝuste nur ili dum lasta jaro aperigis neŭtralan kaj eĉ pozitivajn informojn pri Akademio Internacia de la Sciencoj (San-Marino). Dum en aliaj ni ne trovis informojn."
D-ino Lewanderska-Quednau aparte plendas pro la skandalgazeto "Libera Folio", kiu aperigis laŭ ŝi nur malicajn kritikojn, forgesante "paroli pri efikoj kaj meritoj de AIS kaj pene agemaj homoj".
El la medio de la Esperanta Civito venis la propono transformi AISon al tute telematika universitato. Por tio necesas projekto, nun ellaborata de kelkaj fakuloj. Se tio ne interesos al AIS, ĝi estos utiligebla por lanĉi Civitan transnacian universitaton.
[HeKo 493 1-A, 14 okt 11]
