Kontentige pri niaj Esperanto-Domoj
Je plena ritmo estas funkciantaj ekde ĉi tiu semajno ĉiuj nemoveblaĵoj administrataj de Fondumo Pro Esperanto kiel regio. La Esperanto-Domoj en Svislando kaj Andaluzio estas plenaj de luantoj (plejparte el Pollando), kaj ankaŭ la apartamento posedata de LF-koop en Ĉaŭdefono. Ili restos en tioma okupiteco, kun neniu ĉambro vaka, almenaŭ ĝis la aŭtuno.
Dum la lastaj tagoj estis kompletigita la meblado en la Naturamika Esperanto-Domo, tiel ke de hodiaŭ ĝi povas akcepti la unuajn gastojn ne esperantistajn (el Japanio). La oficejo estas finekipita, la dormoĉambroj ankaŭ, atende al la masonmodifoj post la inaŭguro.
Gec-anoj Julio Herrero, F. Xavier Martín, Perla Martinelli kaj Giorgio Silfer aktivas prepare al tiu inaŭguro, inkluzive de la kunvokitaj asembleoj kaj de studa semajnfino. Invitoj kaj loĝiga servo estas prizorgataj.
Post la masonmodifoj, 14-15 decembro 2012, en Malago estas planata zamenhofologia semajnfino, kun eminenta preleganto el ekster Iberio. Informoj sekvos, zorge de la Naturamika Esperanto-Domo.
[HeKo 512 2-C, 30 jul 12]
