Esperanta Civito

Interna flegado de apartamentoj en Ĉaŭdefono


Tutmonata interna flegado de la nemoveblaĵoj en Ĉaŭdefono, zorge de fondumo Pro Esperanto kiel regio, finiĝis hodiaŭ. La apartamento Elfonesto (proprieto de LF-koop) estis reviziata en siaj higienaj kaj elektraj sistemoj. La Esperanto-Domo (proprieto de KCE) ricevis tri restrukturajn projektojn.

Sur la unua etaĝo en la apartamento Ripoza (triĉambra dormejo kun komunaj banejo kaj necesejo) la preskaŭ 20-jara kajuto el metalo definitive eksiĝis. Anstataŭ ĝi metie talenta volontulo konstruis tute novan, solidan duŝejon, kun italaj kaheloj. Vidalvide, la apartamento Privata estis komplete refarbita, kun riparoj en diversaj partoj (precipe la banĉambro), post la 14-monata restado de la paro Rooke-Liu. Ŝanĝoj koncernis ankaŭ la meblaron: la Privata nun taŭgas por luigo laŭsemajna aŭ laŭmonata, ĉu al tri personoj kun unuopaj ĉambroj kaj komunaj servoj (interalie vasta, loĝebla kaj bone ekipita kuirejo), ĉu al kvinopa familio (ekzemple gepatroj, du infanoj, avino).

Sur la teretaĝo estis kahelumita la planko de la kontora necesejo, uzata ankaŭ de porokazaj luantoj de la kantino. La materialo estis donacita de luksa palaco renovigita en Ĉaŭdefono. La alia necesejo, apud la libroservo, restas uzebla nur por gardi higienaĵojn: tial ke jam ekzistas lokalo nomata la Gardejo, kaj ĉi tiu necesejo vekas pli miron ol admiron, ekde nun ĝi nomiĝas la Mirejo.

La 10an de aŭgusto 2014 la Nova Salono, ĉe la terasa etaĝo, estos oficiale "baptita" je la nomo de Claude Piron (1931[1943]-2008).

[HeKo 552 2-B, 15 feb 14]
Esperanta Civito
MODx Content Manager »

« MODx Parse Error »

MODx encountered the following error while attempting to parse the requested resource:
« Execution of a query to the database failed - Duplicate entry '2147483647' for key 'PRIMARY' »
      SQL: INSERT INTO `coa_esperantionet`.modx_log_user_agents(id, data) VALUES('3969502375', 'claudebot')
      [Copy SQL to ClipBoard]
 
Parser timing
  MySQL: 0.0139 s s(22 Requests)
  PHP: 0.0446 s s 
  Total: 0.0585 s s