Literatura kafejo en Budapeŝto dum 2015
Fajszi Amika Rondo, kun la aŭspicio de Esperanta PEN-Centro, preparas la liston de la literatura kafejo en Budapeŝto, ĉe Landa Fremdlingva Biblioteko, por la nova jaro. La kafejo daŭre okazos en la tria ĵaŭdo de la monato, kun paŭzo en julio, aŭgusto kaj decembro.
Inter la gastoj: c-ano Zlatoje Martinov pri "Literatura Foiro" (16 aprilo); sen. Walter Zelazny pri la esperanta varianto de sia libro pri Zamenhof (21 majo); sen. Giorgio Silfer pri la historio de la esperanta teatro (18 junio); sen. Georgi Mihalkov pri la lasta verko de Julian Modest (17 septembro); c-ano István Nemere en oktobro aŭ novembro.
La definitiva programo estos komunikita al la nova direktorino de la biblioteko, kiu enposteniĝis antaŭ monato.
[HeKo 569 8-B, 21 dec 14]
