Marie-France Conde Rey nova lingva komitatano
Konforme al la artikolo 2 (paragrafo 3) de Lex Academica sen. Marie-France Conde Rey estis hieraŭ nomumita kiel Lingva Komitatano de Esperantio.
La nomumo koincidis kun la Internacia Virina Tago kaj kongruas kun la strebo de la Esperanta Civito valorigi virinojn en la esperanta popolo.
Subskribinte la koncernan dekreton, la Konsulo esprimis la esperon nomumi plian lingvan komitataninon jam venontjare.
Li aparte emfazis ankaŭ la bezonon helpi kleriĝemajn sed senedzajn, ankoraŭ junajn patrinojn: en la Civito temas pri homa kategorio relative ofta (Kongolando, Kubo, Meksiko, interalie), kiu bezonas pli da subteno ol okazis ĝis nun.
[HeKo 673 7-C, 9 mar 18]
