Unuafoje sloveno ne prezidas la Pac-Komitaton
La internacian PEN-komitaton de la verkistoj por paco ne plu prezidas sloveno. Dum duona jarcento la Slovena PEN organizis la konferencon en Bledo, kie kunvenas ankaŭ la pac-komitato, kaj lastatempe eĉ la verkistina. Kvankam la renkontoj plu daŭros en Bledo, la komitaton prezidos franca verkisto, Emmanuel Pierrat, ĵus elektita fine de la mandato de Marjan Strojan.
La 51a konferenco daŭras per la renkonto de la balkanaj verkistoj kaj rondaj tabloj, pri la porinfana literaturo kaj pri la reprezento de la aliulo. La esperantan literaturon reprezentas c-ano Giorgio Silfer.
(HeKo 705 8-B, 3 apr 19)
