Finredaktita la aŭgusta numero de "Literatura Foiro"
La redakcio de "Literatura Foiro" kunvenis hodiaŭ vespere por finredakti la enhavon de la aŭgusta numero (306), en skajpa alesto de ĉiuj redaktoroj (gec-anoj Marie-France Conde Rey, Carlo Minnaja, Fernando Pita, Giorgio Silfer), sub la kunordigo de c-ino Perla Martinelli.
Okazis ankaŭ diskuto pri diversaj paralelaj temoj, kiel planlingvistiko, la jubileo de la Manifesto de Raŭmo kaj novaj kunlaborontoj. Pluraj el la nunaj kontribuantoj renkontiĝos en Ĉaŭdefono okaze de kulturaj aranĝoj de KCE en julio-aŭgusto 2020.
[HeKo 737 2-B, 12 jun 20]