Julian Modest virtuala gasto en Budapeŝto
Fajszi Amika Rondo invitis la faman verkiston Julian Modest al telematika renkonto kun la (ne nur hungara) legantaro, 2 julio 2020 je 18h00, per skajpo.
La aŭtoro, vicprezidanto de Esperanta PEN-Centro, prezentos sian plej novan verkon: "La ĉasisto de sonĝoj".
Kune kun Sten Johansson kaj Trevor Steele, Julian Modest estas nia plej produktiva prozisto. Tamen la aliaj ne aktivas ankaŭ kiel ĉefredaktoroj, dum li gvidas la redakcion de la revuo "Bulgara Esperantisto". Lastatempe lia biografia dramo pri Lidja Zamenhof estis publikigita en la korea.
[HeKo 737 9-B, 27 jun 20]
