Esperanta Civito

Rezolucio pri la pandemio kaj ties influo al Esperantio


La Senato de la Esperanta Civito

KONSTATAS ke la nuna pandemio grave kompromitis la efikecon de la sanitara sistemo en multaj landoj, sed pli ĝenerale ilian socian kaj kulturan vivon per trud-izolo, fermo de landlimoj, krizo en la komunuma vivo, altigo de la senlaboreco kaj restrikto de la persona libereco ĝis nivelo nekonata en la demokratioj post la dua mondmilito;

BEDAŬRAS pro la malfruo ĉe Monda San-Organizo kaj pro la komunika stilo de multaj registaroj, ankaŭ en demokratioj, karakterizata per kvazaŭmilitaj sloganoj;

DENUNCAS la instrumentan uzon de la restriktoj pro la pandemio, damaĝaj por la respekto de la civilaj rajtoj, jen per rasisma konduto de policanoj, jen per nuligo de aŭtonomiaj rajtoj en periferiaj regionoj, jen per intensigo de subpremo al pacaj manifestaciantoj, jen per almenaŭ parta suspendo de civitanaj rajtoj;

ZORGAS pro la eventuala degenero de la situacio kaj ekonomie kaj politike en la diversaj landoj;

ALVOKAS al pli efika kaj kunordigita reago por ŝirmi la esperantan popolon kontraŭ la sekvoj de la supra situacio, konsiderante ke ankaŭ nia diasporo estas viktimo de la supraj negativaj fenomenoj.

(Riichi Karibe, Konsulo de la Esperanta Civito)

La teksto ekzistas ankaŭ en la hispana, hungara, itala, portugala, svahila.

[HeKo 738 2-C, 30 jun 20]
Esperanta Civito
MODx Content Manager »

« MODx Parse Error »

MODx encountered the following error while attempting to parse the requested resource:
« Execution of a query to the database failed - Duplicate entry '2147483647' for key 'PRIMARY' »
      SQL: INSERT INTO `coa_esperantionet`.modx_log_operating_systems(id, data) VALUES('3015360460', 'Not identified')
      [Copy SQL to ClipBoard]
 
Parser timing
  MySQL: 0.0172 s s(23 Requests)
  PHP: 0.0337 s s 
  Total: 0.0510 s s