Vulkano minacas mortigi esperantistojn
En la kanaria insulo La Palma vulkano estas detruanta la areon kie situas ankaŭ la domoj de esperantistaj naturamikoj. Mankas informoj pri ilia sorto.
Laŭ ilia invito, ĉe tiuj naturamikoj okazis intensiva esperanto-kurso en januaro 2014, dum restado de gec-anoj Perla Martinelli kaj Giorgio Silfer. Projekto de semajno laŭ daŭrebla turismo ne povis ĝis nun efektiviĝi.
En la insulo La Palma naskiĝis la fama eldonisto Juan Regulo Perez, kiu tamen pasigis sian vivon plejparte en Tenerifo.
[HeKo 771 8-B, 22 sep 21]
