Esperanta Civito

Kalendaro 2022 de la asembleoj de la paktintoj


Iom post iom la establoj aliĝintaj al la Pakto por la Esperanta Civito anoncas la datojn de siaj ordinaraj asembleoj en 2022. Unu el ili (Afrika Esperanto-Instituto) jam okazis fine de januaro ĉe la Tanganika Esperanto-Domo en Buĵumburo.

La asembleo de Kultura Centro Esperantista kaj tiu de Kooperativo de Literatura Foiro disvolviĝos dum la lingva kolokvo en Ĉaŭdefono (16an kaj 17an de aprilo).

Esperanta PEN-Centro kunvenos aŭ en Ĉaŭdefono dum la 11a Kultura Esperanto-Festivalo (meze de aŭgusto) aŭ dum la unua Naturamika Kultursemajno en Roses (Costa Brava), komence de oktobro. Al Rozoj estas kunvokita ankaŭ la Parlamenta sesio de la Esperanta Civito. Preskaŭ certe ankaŭ la Asembleo de Esperanta Naturamikaro kunsidos en Rozoj samsemajne.

Itala Interlingvistika Centro, Fajszi Amika Rondo, Islama Esperanta Klubo kaj Feminisma Esperanta Movado ankoraŭ ne decidis pri datoj kaj lokoj. Certe IIC asembleos en Alta Italio, FAR en Budapeŝto, IEK en Buĵumburo, sed neniu kunvoko estas anoncita, ĝis nun.

La Esperanta PEN partoprenos en la mondkongreso de PEN Internacia, fine de septembro en Upsalo, per du plenrajtaj delegitoj. Same faros KCE por la internacia konferenco de ALTE (Asocio de LingvoTestistoj en Eŭropo), en Parizo fine de aprilo. Esperanta Naturamikaro atendas la kunvokon al la mondkongreso de Naturfreunde Internationale, kie ĝi reprezentos Hispanion kaj Esperantion. SIPU povus partopreni en la konferenco de Internacia Buroo por Paco, kun la helpo de la Esperanta Civito, sed ĝi ne decidis ĉu aliĝi.

[HeKo 785 4-B, 2 apr 22].
Esperanta Civito
MODx Content Manager »

« MODx Parse Error »

MODx encountered the following error while attempting to parse the requested resource:
« Execution of a query to the database failed - Duplicate entry '2147483647' for key 'PRIMARY' »
      SQL: INSERT INTO `coa_esperantionet`.modx_log_operating_systems(id, data) VALUES('3015360460', 'Not identified')
      [Copy SQL to ClipBoard]
 
Parser timing
  MySQL: 0.0169 s s(23 Requests)
  PHP: 0.0368 s s 
  Total: 0.0537 s s