Preparata la parlamenta sesio en Rozoj
Konforme al la art. 10, par. 1, de la Senata reglamento, la Konsulo kunvokis la Kapitulon kaj la senatajn grupestrojn por decidi pri la definitiva tagordo de la parlamenta sesio en Rozoj. La telematika kunsido disvolviĝos 22 septembro 2022 matene, komence de la ordinara Kapitula kunveno.
La Senato devus pritrakti diversajn novajn normojn: amendopropono por Lex Valeria (pri familia juro); transformo al leĝo de la dekretoj pri la stabo kaj la ofickalendaro; aldona amendo al Lex Signorum (por anstataŭigi la tro severan normon de la svisa kodo rilate malrespekton al flagoj).
Siavice la Forumo diskutos la novan direktivon pri la Komuna Integrita Biblioteka kaj Arkiva Sistemo, ekse direktivo Rogora. La referanto estas c-ano Alessio Giordano.
La Konsulo aktivigos la proceduron pri la rotacio de delegoj ene de la Kapitulo (ratifota de la Senato). Al la interŝanĝo de la postenoj pri internaj kaj pri socialaj aferoj aldoniĝas la propono atribui al la Unua Vickonsulo la oficon de kongresa buroo, limigita je subsidua rolo por la paktintaj establoj organizantaj gravan eventon (KEF por KCE, NAKSE por ENa, ktp).
[HeKo 795 7-C, 19 sep 22]
