Forumokonsulto pri la amendoj al direktivo Rogora
La Konsulo de la Esperanta Civito, sen. Riichi Karibe, anoncis la proponon de direktivo pri Komuna Integrita Biblioteka kaj Arkiva Sistemo (KIBAS), liverita de la paktintoj Fajszi Amika Rondo kaj Itala Interlingvistika Centro; referanto: c-ano Alessio Giordano. La propono, tuj submetita al forumokonsulto, eniros la tagordon de la Foruma sesio en Rozoj, 7 oktobro 2022.
La propono profunde amendas kaj tial abrogacias la nun validan direktivon Rogora, kiun do anstataŭos direktivo Giordano. Ĝi fontas grandparte el la fakrondo pri bibliotekoj kaj arkivoj, kie kun gec-anoj Bartek kaj Giordano plej aktivis gec-anoj Androvska, Blanco, Conde Rey, Fernandez kaj Silfer.
La forumokonsulto estas rezervita al la delegitoj de la paktintoj. Ĝi ĉesos la 2an de oktobro 2022.
[HeKo 796 3-C, 25 sep 22]