La Vickonsulo gastos en la klubo de la UEA-prezidanto
La Vickonsulo de la Esperanta Civito gastos en la klubo kie membras la prezidanto de la Universala, en urbo Sankta-Luiso, Usono. D-ro Silfer estas invitita por prelegi pri la 54a jarkolekto de "Literatura Foiro", kies kovriloj estas dediĉitaj al la temo: "La kontribuo de la kongresoj al la esperanta kulturo".
Por la okazo estos jam preta la decembra numero (326) de la revuo, ĉefredaktata de d-ino Perla Martinelli, kun la asisto de d-ro Alessio Giordano. Bedaŭrinde la numero enhavos ankaŭ nekrologon pri sen. Marie-France Conde Rey, same kiel precize antaŭ dek jaroj aperis nekrologo pri la tiama ĉefredaktoro, sen. Ljubomir Trifonĉovski.
La renkonto okazos telematike, zorge de s-ino Peggy Dolter, 18 novembro 2023 je 14h00 (horo de Ĉikago) aŭ 21h00 (MET). Por alesti la virtualan kunvenon: https://esperanto-stl.weebly.com/events.html
[HeKo 825 4-B, 5 nov 23]
