Esperanta Civito

Revuo "Kontakto" randas al akurateco kaj polemiko


"Kontakto", la dumonata socikultura revuo de TEJO (sed proprieto de UEA, kiu pro ĝi ĉiujare registras en sia spezkalkulo deficiton de kelkaj miloj da eŭroj) survojas al akurateco. La antaŭa redaktoro, Pawel Fischer Kotowski, kondukis ĝin al plurnumera malfruo, sed pasintmonate la nuna redaktorino, Karina Oliveira, eldonigis la februaran numeron de 2024, post rapida temporegajno.

En la numero 3:2023 (junia, sed evidente en novembro) aperis artikolo de prof. Amri Wandel, vicprezidanto de la Universala, pri la nuna interŝemida milito, "laŭ peto de la redaktoro". La artikolo konfirmis la deklaron de la landa asocio de UEA en Israelo, jam konatan tra aliaj informaj kanaloj: ambaŭ tekstoj pravigas la nunan israelan registaron.

Dementa reago de Jorge Camacho Cordon aperis en lia blogo, kun tiaj frazoj: "Wandel estas cionisma propagandisto de la plej plumpa kaj fia speco" kaj "Mi miras ke li kaj Esperanto-Ligo de Israelo kiel verdŝminkantoj de la israelaj okupacio kaj genocido ne estas tuj forpelitaj el Universala Esperanto-Asocio". Resume, la ĝisosta anticionisto Camacho imputas Wandel-on pri mensogado.

S-ino Oliveira citis en sia lasta numero la longegan reagon de Camacho, indikante ligilon al la blogo. Estus pli profesie doni al li la parolon en "Kontakto" mem, sed eble ŝi volis eviti pardonpeton ĉe prof. Wandel poste, same kiel UEA devis pardonpeti ĉe prof. Carlo Minnaja post la lasta podiaĵo de Camacho en la organo de la Asocio (kiun lia zelota redaktoro, Attila Kaszas, sukcesis malfruigi tutan jaron!). Ĉiukaze, antaŭgratulon al ŝi pro la baldaŭa akuratigo de "Kontakto".

[HeKo 837 3-A, 30 maj 24]

C-ano Giorgio Silfer komentarias: Ni konsentas nek kun Wandel nek kun Camacho. Simple la nuna interŝemida milito kondukis la Sanktan Landon al sakstrato: Benjamin Netanyahu bezonas Hamason, Hamas bezonas Netanyahu; ili reciproke fortigas sin, por plu regi en la respektivaj kuntekstoj. Restas nekontesteblaj faktoj ke la nunan militon kaŭzis Hamas per sia pogromo kaj ke en Israelo forta opozicio manifestacias preskaŭ ĉiusemajne kontraŭ la ĉefministro (do cionismo havas pli ol unu animon), dum neniu en Gazao kontestas la armitan partion (do ĉiuj solidaras al Hamas).

C-ano Carlo Minnaja komentarias: "Lia zelota redaktoro" ne kompreneblas, krom se temas pri eraro anstataŭ "ĝia", al kiu referencas tiu triapersona pronomo.

La redakcio respondas: "Lia" referencas al s-ro Camacho, relative ofta gasto (tranoktanto) ĉe s-ro Kaszas en Budapeŝto. Kaszas kapablis produkti nur unu numeron kaj en la lasta sub sia (nominala) respondeco li publikigis la insultan intervjuon. Do zeloto de Camacho.
Esperanta Civito
MODx Content Manager »

« MODx Parse Error »

MODx encountered the following error while attempting to parse the requested resource:
« Execution of a query to the database failed - Duplicate entry '2147483647' for key 'PRIMARY' »
      SQL: INSERT INTO `coa_esperantionet`.modx_log_operating_systems(id, data) VALUES('3015360460', 'Not identified')
      [Copy SQL to ClipBoard]
 
Parser timing
  MySQL: 0.0156 s s(23 Requests)
  PHP: 0.0419 s s 
  Total: 0.0575 s s