PEN pri esprimlibero en Ĉinio
PEN Internacia organizis poemtorĉajn etapojn tra la tuta mondo, paralele kaj koincide kun la stafetado de la olimpika torĉo. Dum tiuj etapoj, tra la reto kaj aliaj rimedoj estos disvastigata en multaj lingvoj la poemo "Junio" de la ĉina poeto en ekzilo Shi Tao. Per tiu ĉi originala senperforta metodo la literaturistoj el la tuta mondo protestas kontraŭ la manko de esprimlibero en Popola Ĉinio, spertita plej laste okaze de la perturboj en Tibeto.
Ankaŭ esperanto ĉeestas la iniciaton: la traduko de Giorgio Silfer eĉ estas konsiderata unu el la plej bonaj. Ĝi estos aŭdebla/legebla la 7an de aprilo (etapo en Svislando, kie la Esperanta PEN-Centro havas sian juran sidejon). Jen la traduko:
sur tuta viv'
tre gravas pli juni' / juni' kaj mia kor' sen sort' / juni' kaj mia vers' sen vort' / kaj mia amo / jes tie sangoflake
juni' la sun' sur korpo brulas / kaj revundas krake
juni' fiŝo ekster sanga maro / alien por vintrumi hulas
juni' aliforma tero silenta rivero / vortoj stake al mortintoj mutas
[HeKo 349 6-B, 4 apr 08]
