La Civita banko helpas al SAT
HeKo 311 3-C, 2 okt 06
Konkreta helpo al SAT, kiu travivas profundan financan krizon, ĵus venis el la Civita Banko, per la aĉeto de preskaŭ la tuta stoko de Plena Ilustrita Vortaro (eldono 1987).
Senato: la kandidatlistoj estas definitivaj
HeKo 311 2-C, 1 okt 06
Ĉiuj kandidatoj por la Senato de la Esperanta Civito estas validaj, kaj la kandidatlistoj estas nun oficialaj.
Ruĝa Listo
(simbolo: globuso kun serpo kaj martelo; slogano: Por Civito fondita sur la laboristaro):
1. Dieter Rooke (Germanio, 1948)
2. Mayra Núñez Hernández (Kubo, 1959)
3. Antoine K. Kouablan (Eburio, 1967)
Renovigita la retejo de la Esperanta Civito
HeKo 311 1-C, 1 okt 06
La retejo de la Esperanta Civito www.esperantio.net komplete renoviĝis grafike. La unua paĝo enhavas la komunikojn de la retagentejo HeKo, kio estas pli praktika por la legontaro kaj speciale por la gekolegoj el aliaj redakcioj. La HeKo-arkivo estas konstruata. Same konstruataj estas la variantoj en la franca, germana, itala kaj angla.
La Lingva Komitato pretas por ofici
HeKo 310 8-C, 29 sep 06
Ekde la 1a de oktobro 2006 ekzistos la Lingva Komitato de Esperantio (LK), kies tasko estas respondi al lingvaj demandoj, konforme al la leĝo aprobita de la Senato la 21an de julio 2006.
Ortografie: konservativa Auld aŭ liberala Daŝgupta?
HeKo 310 7-A, 28 sep 06
En 1982 la Akademio de Esperanto, sub la prezido de mag. William Auld, aprobis la suban deklaron:
Internacia Tago de la Esperanto-Biblioteko
HeKo 310 6-C, 27 sep 06
La 10an de oktobro 2006 la Esperanta Civito unuafoje celebros la Internacian Tagon de la Esperanto-Biblioteko (ITEB). La daton elektis la Civita Parlamento, aprobante la koncernan rezolucion meze de oktobro 2005.
La Kultura Semajnfino de KCE ankaŭ pri alfabetoj
HeKo 310 5-B, 26 sep 06
La Kultura Semajnfino 30 septembro — 1 oktobro 2006 de Kultura Centro Esperantista en Ĉaŭdefono, pri la Naŭa Oficiala Aldono al la Universala Vortaro, okupiĝos ankaŭ pri la lasta propono de la Sekcio pri Prononcado de la Akademio (gvidanto d-ro Probal Dasgupta).
Pri Ivo Lapenna kaj hungara lapennisto
HeKo 310 4-A, 22 sep 06
Ni ricevis de s-ino Birthe Lapenna kaj volonte publikigas:
Eŭropa konferenco 2008 de PEN Internacia
HeKo 310 2-B, 21 sep 06
La unua Eŭropa Konferenco de PEN-Klubo Internacia estas definitive kunvokota al Ĉaŭdefono, 6-11 julio 2008, pri la ĉeftemo: “Kia rolo por la verkisto en la 21-jarcenta Eŭropo?”. Organizos la Esperanta PEN, kun la apogo de Kultura Centro Esperantista kaj laŭeble de aliaj establoj en la Pakto por la Esperanta Civito.
Hungaria Esperanto-Asocio: Dudich honora prezidanto
HeKo 310 3-A, 21 sep 06
Fine de la ĝenerala Asembleo de Hungaria Esperanto-Asocio, 9 septembro 2006 en la nova sidejo de la Budapeŝta Armena Aŭtonomio, d-ino Julianna Farkas prezentis la sekvantan proponon: “Propono pri donaco de la titolo Honora Prezidanto de la Hungaria Esperanto-Asocio”.
Nia literaturo en PEN-konferenco
HeKo 309 9-B, 19 sep 06
La Esperanta PEN-Centro, per sia sekretario c-ano Ljubomir Trifonĉovski, partoprenis la 9an PEN-konferencon en Ohrid (Makedonio), 14-17 septembro 2006, kiun ĉeestis reprezentantoj de ankoraŭ dudek PEN-Centroj el Eŭropo, Azio kaj Ameriko. La delegitojn akceptis la ĵus elektita prezidanto de la Makedona Parlamento, Ljubiŝa Georgievski.
"Unu frazo pri la tiraneco" en esperanto
HeKo 310 1-B, 19 sep 06
La plej populara poemo de Gyula Ilyés, verkita en la stalinisma tempo kaj deklamita de la aŭtoro mem ĉe la hungara radio aŭtune 1956, ekzistas nun ankaŭ en esperanto.