Gec-anoj Mushosi Birindwa, Abdoulrahman Bukuru, Lucien Kagina, Ramazani Nanjira, Frederiko Nimubona, François-Mauriack Nunda estas akceptitaj por la staĝo pri la formado de kongresaj organizantoj, okazonta ĉe la Tanganika Esperanto-Domo en Bujumburo, dum la longaj semajnfinoj 6-8 kaj 13-15 decembro 2024, sub la gvido de c-ano Giorgio Silfer.
Israela ĉefministro kaj palestina partiestro estas militkrimuloj kaj ili ambaŭ meritas areston. Sinteze tio estas la signifo de la hieraŭa decido fare de Internacia Krim-Kortumo.
Hieraŭ kunsidis la Kapitulo en pleno, sub la prezido de la Vickonsulo, en ĉeesto de invititaj fakuloj kun la esperanta civitaneco. Post silenta minuto memore pri la ĵus mortinta vidvino de la honora civitano Giuseppe Pinelli, la kunsido traktis raporton pri la situacio de la tradicia movadaro, konkludante ke la Esperanta Civito devas fosi sian sulkon kaj fortikigi sian internon.
La sekretario de Esperanta Naturamikaro informas ke la kvara NaturAmika KulturSemajno en Esperanto (NAKSE) okazos ankoraŭ en Toso-de-Maro (Costa Brava), ĉe la sama tre komforta hotelo, unu semajnon pli frue ol lastfoje: 12-19 oktobro 2025.
Hodiaŭ kompletiĝas la telematika distribuo de programoj, kandidatlistoj kaj balotilo al la voĉrajtaj okaze de la elektoj al la Senato de la Esperanta Civito.
Unu el la du ankoraŭ vivantaj kunfondintoj de Kultura Centro Esperantista, s-ro Claude Gacond (1931[1952]-2024), mortis hieraŭ en ĉaŭdefona kadukulejo. Profesie elementa instruisto, li estis politike aktiva en la socialista partio, kiun li reprezentis en la kantona Parlamento dum sia junaĝo.
Ne la unuan fojon al terminologio estos dediĉita la Lingva Kolokvo de Kultura Centro Esperantista, sed la 11a, kiu disvolviĝos 1-4 majo 2025 en Ĉaŭdefono, havos sian fokuson sur aparte grava demando: Kio post la morto de Terminologia Esperanto-Centro?
Konciza retrospektivo pri la diplomekzamenoj en Esperantio post la dua mondmilito devas komenciĝi per la landaj institutoj. Ankoraŭ en la 1970aj en okcidenta Eŭropo ekzistis du paralelaj strukturoj: la landaj asocioj kaj la laboristaj asocioj por disvastigi la lingvon, la landaj institutoj por kunordigi la instruadon kaj la ekzamenojn, kun produktado de diplomoj.
Hieraŭ forpasis c-ano István Nemere (1944[1962]-2024), grava romanisto kaj novelisto, la plej ofte (kvarfoje) gajninta la premion “La Verko de la Jaro”, kunfondinto kaj dum dek du jaroj prezidanto de Esperanta PEN-Centro, kunvokinto de la unua forumo el kiu fontis la Pakto por la Esperanta Civito, kies parlamentano li estis dum la unua mandato, kaj membro de ties Lingva Komitato ĝis nun.
La akurate aperinta novembra numero de “Heroldo de Esperanto” (2360) deciĉas la interajn paĝojn al la tre interesaj prelegoj dum la sukcesa simpozio “Horizontoj de la nuna Esperantio”.
La censado de la Esperanta Civito pri la jarkvino 2020-2024 estos preta je 30 novembro 2024, sed jam montriĝas rimarkinda kresko preskaŭ ĉie, laŭ la balotejoj. La Civitanaro tiom kreskis ke la Civito fariĝis senkonteste la plej multnombra subjekto laŭ individuoj, post UEA/TEJO: ekzemple SAT estas larĝe superita.
La redakcio de “Literatura Foiro” kunsidis hieraŭ telematike sub la prezido de la ĉefredaktoro, c-ino Perla Martinelli. En la tagordo reliefis du temoj: la redistribuo de taskoj kaj la kovriloj por 2025.
