En la hodiaŭa epoko karakterizita de rapidaj komunikebloj kaj ciferecaj enhavoj, resti informita pri la plej gravaj novaĵoj el Esperantio fariĝas pli kaj pli simpla. La redakcia stabo de Heroldo Komunikas proponas novan, efikan manieron ricevi sciigojn pri la novaj HeKoj: aliĝu al nia ĵus inaŭgurita Telegram-kanalo.
Sabaton la 1an de februaro 2025 la reprezentantoj de tri insuloj (Granda Kanario, Tenerifo, Gomero) de la kanaria insularo kunvenis por inaŭguri kulturan ponton, kiu certe estos konservata en la estonteco.
La 28an de januaro 2025 la direktorino de Origó, landa ekzamencentro pri lingvoj, kuplita al la budapeŝta universitato ELTE, renkontis esperantistojn por diskuti pri la daŭreblo de la ekzamenoj pri esperanto.
Hodiaŭ forpasis en Londono d-ro Renato Corsetti, prezidinto de TEJO kaj de UEA, eksa sekretario de la Akademio de Esperanto. Baldaŭ 84-jaraĝa, li misfartis dum la lastaj semajnoj, kaj mortis en hospitalo kie li estis flegata.
Laŭ invito de la Esperantista Domo de Kulturo “Ivan Kirĉev”, estas planata en Razgrado la sepa Danuba Esperanto-Rendevuo, 19-22 junio 2025, koincide kun EKRA kaj Abritus, du tradiciaj integritaj aranĝoj. La Domo estas aliĝinta al la Pakto por la Esperanta Civito.
La romano “Istanbul” Istanbulo” de Burhan Sönmez, prezidanto de PEN Internacia, estas fine en la presejo, La traduko de Vasili Kadifeli bezonis fundan revizion fare de Perla Martinelli, kun la asisto de Alessio Giordano kaj Giorgio Silfer.
La ekstermo de milionoj da hebreoj, ciganoj, samseksemuloj kaj aliaj etnoj aŭ kategorioj de homoj okazinta en Eŭropo dum la dua mondmilito estas kunmemorata ĉiujare la 27an de Januaro. La dato estis fiksita de la Ĝenerala Asembleo de Unuiĝintaj Nacioj per la rezolucio 60/7 de 1 novembro 2005.
La Ĝenerala Asembleo de Itala Interlingvistika Centro okazos en Milano, en la tesalono de fama konfitejo, ekde tagmezo de 16 aprilo 2025, tuj post lunĉo honore al la smeralda jubileo de IIC, fondita en Milano antaŭ kvardek jaroj.
Vaka seĝo por Julio Baghy en la unua ĉi-jara legorondo, organizata de Kultura Centro Esperantista ĉe la interkultura Bibliomonde en Neŭŝatelo, 28 januaro 2025. Fakte KCE prizorgas tiun iniciaton je la kvara mardo de ĉiu monato, alportante ĉiam novan libron por la esperanto-fako de tiu unika biblioteko.
La franca esperantista kastelo Greziljono invitas al siaj kursoj en 2025!
Aprilo18/27: PRINTEMPAS, intensivaj kursoj por ekzamenoj kun kvar famaj instruistoj: gresillon.org/p
Danke al la Ranetoj (organiza teamo) jam dek kvin flue parolantaj esperantistoj el Kongolando petis aliĝon al la unua Esperanta Konferenco en Afriko, kiu disvolviĝos en Bujumburo, 28-31 decembro 2025.
Okaze de la “entronigo” de prezidento Trump, la prezidantino de la EU-Parlamento, Roberta Metsola (malta laŭ nacieco, sed ankaŭ bofinnino, tial la nomo, signifanta “urogalejo”) sendis al li bondeziran mesaĝon. Ŝi aplikis la neskribitan diplomatian regulon laŭ kiu, se oni ne estimas la gratulaton, oni bondeziras al la lando kaj popolo, ne menciante lin eksplicite…
