Mag. Giacomo Comincini, mag. Alessio Giordano, prof-ino Ilona Koutny, d-ino Perla Martinelli kaj prof. Giorgio Silfer kontribuos prelege al la 11a Lingva Kolokvo de Kultura Centro Esperantista, 1-4 majo 2025 en Ĉaŭdefono, pri terminologio.
“De la antikva reĝimo ĝis la raŭma revolucio” estas la titolo de la intervjuo al la nova Konsulino de la Esperanta Civito, d-ino Lorena Bellotti, frunte en la unua paĝo de la januara “Heroldo de Esperanto” en 2025. La intervjuon kompletigas vasta biogramo, el kiu oni deduktas ke sen. Bellotti estas escepta persono: poliglota instruisto kaj manaĝero.
La naturamika domo de Los-Anĝeleso estis parte detruita de la incendio en Eaton. Sin savis la barako, la gardistejo kaj la bierĝardeno, sed la historia, duetaĝa renkontejo forbrulis ĝisgrunde.
La kaliforniaj naturamikoj jam laboras por rekonstrui kaj dankas pro la solidareco el Eŭropo, inkluzive de tiu el Esperanta Naturamikaro.
(GIAN)
Ĵus konkludiĝis reta kunveno de la junulara komitato de PEN Internacia, kiu arigis ĉirkaŭ tridek delegitojn el diversaj PEN-centroj de Afriko, Eŭropo kaj Proksima Azio. La Esperanta PEN estis reprezentata de Alessio Giordano, 27-jaraĝa eseisto kaj vicĉefredaktoro de Literatura Foiro.
En la hodiaŭa epoko karakterizita de rapidaj komunikebloj kaj ciferecaj enhavoj, resti informita pri la plej gravaj novaĵoj el Esperantio fariĝas pli kaj pli simpla. La redakcia stabo de Heroldo Komunikas proponas novan, efikan manieron ricevi sciigojn pri la novaj HeKoj: aliĝu al nia ĵus inaŭgurita Telegram-kanalo.
Sabaton la 1an de februaro 2025 la reprezentantoj de tri insuloj (Granda Kanario, Tenerifo, Gomero) de la kanaria insularo kunvenis por inaŭguri kulturan ponton, kiu certe estos konservata en la estonteco.
La 28an de januaro 2025 la direktorino de Origó, landa ekzamencentro pri lingvoj, kuplita al la budapeŝta universitato ELTE, renkontis esperantistojn por diskuti pri la daŭreblo de la ekzamenoj pri esperanto.
Hodiaŭ forpasis en Londono d-ro Renato Corsetti, prezidinto de TEJO kaj de UEA, eksa sekretario de la Akademio de Esperanto. Baldaŭ 84-jaraĝa, li misfartis dum la lastaj semajnoj, kaj mortis en hospitalo kie li estis flegata.
Laŭ invito de la Esperantista Domo de Kulturo “Ivan Kirĉev”, estas planata en Razgrado la sepa Danuba Esperanto-Rendevuo, 19-22 junio 2025, koincide kun EKRA kaj Abritus, du tradiciaj integritaj aranĝoj. La Domo estas aliĝinta al la Pakto por la Esperanta Civito.
La romano “Istanbul” Istanbulo” de Burhan Sönmez, prezidanto de PEN Internacia, estas fine en la presejo, La traduko de Vasili Kadifeli bezonis fundan revizion fare de Perla Martinelli, kun la asisto de Alessio Giordano kaj Giorgio Silfer.
La ekstermo de milionoj da hebreoj, ciganoj, samseksemuloj kaj aliaj etnoj aŭ kategorioj de homoj okazinta en Eŭropo dum la dua mondmilito estas kunmemorata ĉiujare la 27an de Januaro. La dato estis fiksita de la Ĝenerala Asembleo de Unuiĝintaj Nacioj per la rezolucio 60/7 de 1 novembro 2005.
La Ĝenerala Asembleo de Itala Interlingvistika Centro okazos en Milano, en la tesalono de fama konfitejo, ekde tagmezo de 16 aprilo 2025, tuj post lunĉo honore al la smeralda jubileo de IIC, fondita en Milano antaŭ kvardek jaroj.
