La Forumo de la Esperanta Civito elektis la Kortumon oficontan en la jarduo 2026-27. La arbitracia instanco konsistos el c-anoj Moresson Feïdangaï, Stano Keable kaj Vinko Oŝlak, kortumanoj; gec-anoj Andrés Martín kaj Tiziana Rogora, vickortumanoj. La vickortumanoj aktivas en kazo de malhelpo por la kortumanoj, sed ankaŭ okaze de apelacio post unua verdikto.
Dum la lastaj jaroj ne estis bezono de arbitracio, kaj en pli fruaj jardekoj la procesoj neniam koncernis konflikton inter establoj, sed nur inter individuoj. La direktivo pri sekureco larĝigis la kampon de la kortuma aktiveco.
Konstitucie la Kortumo responsas ankaŭ pri la verkado de komuna Kodo, kiu disciplinos la solvon de konfliktoj inter civitanoj. Dum la unuaj jardekoj de sia ekzisto nia justica povo limiĝis je la registrado de ĉiuj normoj diverĝaj el la svisa kodo, aprobitaj de nia leĝodona povo. Tial kelkaj deliktoj en Svislando ne estas deliktoj en Esperantio, ekzemple militrifuzo.