Estas dissendata la oktobra numero de “Heroldo de Esperanto” (2359), luita de la Esperanta Civito por prezenti la kandidatlistojn kaj la programojn al ili kuplitaj okaze de la elektoj por la Senato, 15 decembro 2024. Temas pri tradicio ekinta en 2001, atestanta la konfidon al nia paktinta establo, specife al la profesieco de ĝia redakcio.
Koincide kun la inaŭgura sesio de la Parlamento de la Esperanta Civito (2025-29) la paktinta establo Esperanta Naturamikaro organizos en Malago la unuan Andaluzan Esperanto-Rendevuon, 29-31 marto 2025, kun alvenoj vendredon la 28an. La parlamenta sesio mem disvolviĝos lundon la 31an matene en tre digna palaco.
La Formiketoj (organiza teamo de NaturAmika KulturSemajno en Esperanto) nome de Esperanta Naturamikaro kaj sub la aŭspicio de la Esperanta Civito realigis tre interesan semajnfinon en Barcelono kaj provinco, kun vizito en tri bibliotekoj, akompane de ĉiĉeronado en nia transnacia lingvo.
Plej varia la lasta tago de la tria NAKSE en Toso-de-Maro: Raya Androvska prezentis ŝtofajn artaĵojn el Orienta Afriko (ne la eksitala), kie ŝi longe vivis; Nan Wang Matthias logis multajn al ĉigongo; Rubèn Fernández brile kaj sinteze profilis la katalunan lingvon (bone ke Alfons Tur, prezidanto de KEA, rezignis prelegi pri la temo); du aliaj katalunoj, Antonio Badia kaj Petro Martín, gvi
Post la hieraŭo dediĉita al ekskursoj, hodiaŭ NAKSE revenis al prelegoj, kiuj tuŝis plej varian temaron: esperanta literaturo, botaniko, Istanbulo, la esperanto-muzeo en Katalunio. Por konkludi vespere per la koncerto de JoMo.
Du kandidatoj diplomiĝis hieraŭ matene en Katalunio, okaze de la tria NaturAmika KulturSemajno en Esperanto, per lingvotesta sesio organizita de Kultura Centro Esperantista, laŭ LTSEC.
La tria NaturAmika KulturSemajno de Esperanta Naturamikaro ricevis hodiaŭ kaj ekologiisman kaj poezian profilon danke al la prelegoj de c-ano Normand Fleury pri “Arbaroj savos la homaron” kaj de c-ano Anĝelo García del Río “Ekologiismo kaj klimata ŝanĝo”, unuflanke, kaj al prelego pri William Auld matene plus poezia deklamado fare de c-ano Giorgio Silfer vespere, eĉ nokte.
D-inoj Perla Martinelli (tradukinto) kaj Maria José De Lancastre (vidvino de la aŭtoro) prezentis hodiaŭ la esperantigitan romanon “Asertas Pereira” de Antonio Tabucchi.
Ĉi-aŭtune eblos atingi la Majstran diplomon pri esperanto (nivelo C2 laŭ KEFR — Komuna Eŭropa Framo de Referenco). La koncerna lingvotestado okazos oktobre en Toso-de-Maro dum la NaturAmika KulturSemajno: organizita de Kultura Centro Esperantista, ĝi estos komplete en realo.
En la nomo de la revuo Literatura Foiro kaj mia persone mi adresas ĉi tiun saluton okaze de la hodiaŭa omaĝo ĉe Universitato Eötvös Loránd je la centa datreveno de la naskiĝo de d-ro István Szerdahelyi.
Kultura Esperanto-Asocio (KEA) estas societo alternativa al Hungaria Esperanto-Asocio (HEA). Ĝia fondinto kaj ĉiama prezidanto nomiĝas László Szilvási. S-ro Szilvási longe konfliktis kun HEA pro financa problemo. Jam pli frue li estis deklarita “persona non grata” ĉe la Esperanta Civito. Pri li nun aperis la suba informo, fare de familio Wacha-Schiller.
PEN Internacia ne kongresos dum krozado sur la Mediteraneo, pro motivoj de sekureco. La definitiva respondo koincidas kun la decido kongresi venontjare en Pollando.
Sekve de pli frua decido de la Asembleo de la Esperanta PEN, krozado tamen okazus en oktobro 2025 aŭ 2026, se Esperanta Naturamikaro konsentus paŭzi rilate al NAKSE dum la koncerna jaro.
