La brazila entreprenisto Flàvio Rebello ĵus lanĉis OPA (oferton publikan por aĉeto) pri sia portalo “Ĝangalo”, fakte la unua retgazeto en esperanto, funkcianta ekde januaro 2003. En sia OPA Rebello tamen ne indikas la minimuman oferton. La decidon kaŭzis la tro malfacila financa situacio de la elpensinto de la ITV-projekto.
Hodiaŭ estas la Kvara Monda Tago kontraŭ la mortpuno. En 2006 la tendenco al mondo sen mortpuno iom progresis, per la forigo de mortpuno en la kodoj de Filipinoj kaj Moldavio. Tiel la nombro de la ŝtatoj kie ne okazas mortpuno kreskis ĝis 129. Aliflanke en Peruo kaj Pollando la aŭtoritatoj inklinas konsideri la eblecon reformi la kodon kaj enkonduki mortpunon.
Honore al nia kolegino Anna Politkovskaja ni publikigas la unuajn versojn de “Unu frazo pri la tiraneco”, kies esperanto-tradukon Giorgio Silfer dediĉas al ŝia memoro. La tuta poemo de Gyula Ilyés, verkita en 1950 sed aperinta nur en 1956, estos legebla en la oktobra numero de “Literatura Foiro”.
Unu frazo pri la tiraneco
Post SAT, ankaŭ TEJO montras signojn de krizo.
Laŭ la Ruĝanoj, la strategio por la disvastigo de esperanto en Eŭropo ne pasas tra Eŭropa Unio, kiun ili konsideras novliberisma kaj burokratia monstro. Tial ili kontraŭas la projekton de Konstitucia Traktato. Ili ne aprobas la kreon de EU-parlamentaj kandidatlistoj propre E-istaj, kiel E-D-E.
