Post pluva monato utila por la kamparo, fine sunas super la marbordo de la Suno, kaj la unua Andaluza Esperanto-Rendevuo povos realigi pluraj kulturajn promenadojn laŭ alternativa turismo, danke al la ĉiĉeronado de s-ro Juan García del Río, prezidanto de Esperanta Naturamikaro, helpata de c-ino Manuela Blanco, ENa-sekretario.
Kvankam la dek naŭ membroj loĝas dise sur tri kontinentoj, dek el ili garantiis sian fizikan ĉeeston en la inaŭgura sesio de la Parlamento de la Esperanta Civito, okazonta en la urbodomo de Malago, 31 marto 2025, sub la prezido de la nova Konsulo, sen. Lorena Bellotti. Tial la Senato kunsidos kvorume kaj ĝin alparolos salute la urbestro de Malago.
La venontan 11an de aprilo okazos en la Universitato de Pavio (Italio) konferenco pri la esperanta lingvo en la kunteksto de Manĉurio dum la okupacio far la Japana Imperio (1931-1945). La evento estas kunorganizata de “Tadaima!”, asocio pri japanaj studoj de la lombarda universitato, kaj Itala Interlingvistika Centro (IIC).
C-ino Agneta Emanuelsson (1940[1987]-2025) forpasis en Katrineholm (Svedio) la 18an de marto, post malsano trafinta ŝin dum la lasta jaro. Senatanino de la Esperanta Civito dum tri mandatoj, ŝi kunfondis Feminisman Esperantan Movadon (kiun ŝi reprezentis en la Forumo, kiam ŝi ne estis senatanino) kaj membris en la redakcio de la revuo “Femina”.
La bilanco kaj spezkalkulo 2023 de la Junulara pretas kun granda malfruo, sed donas pozitivan surprizon: post la deficito de preskaŭ 48.000 eŭroj fine de 2022, jen profito de preskaŭ 88.000 fine de 2023. La grandan diferencon klarigas la enveno, respektive la antaŭa manko de administra subvencio el Eŭropa Unio (125.000 eŭroj).
La dua eldono de “Historio de la esperanta literaturo” de Carlo Minnaja kaj Giorgio Silfer transiras ĉi-monate al la enpaĝiga fazo, kiu atingos la finon de la unua periodo (1887-1921). La reeldono ĉe LF-koop estas plenumata redakte de Giorgio Silfer kaj grafike de Alessio Giordano.
Estas difinita la programo de la 1a Andaluza Esperanto-Rendevuo (AER), organizita de Esperanta Naturamikaro 28-31 marto 2025 en Malago, por ĝui la perlon de Andaluzio kulture kaj nature, gastronomie kaj ekologie.
Dum Baltiaj Esperanto-Tagoj la 10an de julio 2025 eblos akiri diplomojn laŭ la ses niveloj de la LingvoTesta Sistemo de la Esperanta Civito, inspirita de la Komuna Eŭropa Framo de Referenco kaj administrata de Kultura Centro Esperantista, asocia membro de Association of Language Testers in Europe (ALTE, Cambridge).
Ekde la venonta monato plene aktivos du fakoj de la Registra Instanco, apud la plej grava, nome la Civitana aŭ matrikulo. La direktoro de la Registro, sen. Manuela Blanco, subskribos kontraktojn kun du aktistoj, kiuj estros la heraldikan respektive la deliktorikordan fakon.
Dum tiuj ĉi tagoj ni havis la okazon multe pripensi la nuntempan situacion en Usono, kie la nova administrado de Donald Trump komencis ataki la aŭtonomecon de la esploristoj per redimensiigoj de la financadoj, maldungoj kaj limigoj al la publikig-libero.
La tria ĉi-jara numero de “Heroldo de Esperanto” akurate aperis, kvankam ne tiel frue kiel la aprila “Literatura Foiro”, revuo kiu tiurilate ĉiam rekordas de multaj jaroj.
En la aprila numero de Literatura Foiro, la 334a, la revuo ekvilibre dozas beletron kaj eseojn; la legantoj trovos fragmentojn de klasikaj verkoj, kiel la romano Unu, neniu kaj cent mil de Luigi Pirandello (tradukis Carlo Minnaja), kune kun profundaj recenzoj pri lastatempaj literaturaj eldonaĵoj (Epistolo al Philémonos de Vinko Ošlak, Eks
