Unuiĝintaj Nacioj ofte estas institucio kritikata subjektive, de unu aŭ alia partio ne ŝatanta ĝiajn rezoluciojn aŭ geopolitikajn decidojn; sed ekzistas ankaŭ objektivaj kritikoj, pri kiuj foje kulpas la kreintoj de UN, foje UN mem: ni menciu po unu kazo.
Kion signifas agnoski la ekziston de Palestina (naci)ŝtato? Ke almenaŭ esperantistoj komprenos la diferencon inter naciŝtato kaj subjekto de internacia juro, kiu ŝajnas klara nur al Esperantianoj…
Daŭris pli ol jarcenton Eldona Societo Esperanto (ESE), sveda kooperativo fondita en 1918 kaj produktinta multajn lernolibrojn en miloj da ekzempleroj (eĉ dudek mil por unu titolo!). Dum la lastaj jaroj tamen mankis laborfortoj, kaj antaŭ ne longe ĝi malfondiĝis: ĝia bonhavo transiris al fonduso (ne fondumo), administrata de Sveda Esperanto-Federacio.
HeKo 888 7-C, 19 sep 25
Post intensa kunlaboro inter la fakgrupo pri Informado de la Esperanta Civito, reprezentata de c-anoj Giacomo Comincini kaj Alessio Giordano, kaj Gábor Deák Jahn, kies helpemo kaj informadika kompetento montriĝis nemalhaveblaj, ni ĝojas anonci ke la retejoj de du civitaj servoj kaj unu establo renovigis siajn dezajnon kaj grafikan stilon.
En Esperantio nuntempe cirkuladas similaj mesaĝoj: “Prezidento Donald Trump anoncis, ke la maldekstra organizaĵo Antifa ekde nun estas konsiderata kiel terorista organizaĵo. Antifa originis en Germanio kaj konsistas el diversaj ekstremaj maldekstraj batalgrupoj. Kelkaj el ili eĉ ricevis subvenciojn el Bruselo…”
La registaroj en Esperantio similas al du tipoj de monstroj (etimologie: mirindaĵoj).
La tradicia Esperantio (de landa asocio al UEA-estraro aŭ SAT-plenumkomitato) alkutimigis esperantistojn nur al la modelo de Hidro: unu korpo kun kelkaj kapoj.
La simpozio de Kultura Centro Esperantista pri andragogio kaj didaktiko estas prokrastita al la komenco de majo 2026: la prokraston motivas precipe la nedisponeblo de ILEI-estraranoj kiuj en unua momento akceptis la inviton por la komenco de novembro 2025, kaj la disponeblo de aliaj prelegontoj por posta dato.
La 6an de decembro 2025 tagmeze la malfonda Asembleo de Itala Interlingvistika Centro okazos en restoracio de Como (kvartalo Ponte Chiasso, Italio); tuj post la lunĉo la samaj partoprenintoj trairos piede la landlimon kaj kunsidos en najbara kafejo de Chiasso (Svislando) por la fonda Asembleo de Interlingvistika Centro kiel societo laŭ la svisa juro, heredanta la antaŭan.
Daŭras la preparlaboroj por la lanĉo de Arcadia, organo de Interlingvistika Centro, laŭplane en 2026. Flanke de la kutima redakcia triopo (konsistanta el c-anoj Alessio Giordano kaj Giacomo Comincini kaj s-ro Francesco Giuliano) nun kunsidas stabila grupo da kunlaborantoj, el multaj kulturaj kaj laboraj medioj de Itallingvio.
Aktivas la fonda komitato de Esplora Instituto de Esperantologio, kies celo estas prepari la fondan asembleon de EIE en Stokholmo, decembro 2025; ĝis nun branĉo de Kultura Centro Esperantista, EIE fariĝos memstara establo, kun la statuso de privata transnacia feria altlernejo registrita en Svedio, do en Eŭropa Unio.
La Formiketoj, organiza teamo de la 4a NaturAmika KulturSemajno en Esperanto, okazonta en Tossa de Mar / Toso-de-Maro 12-18 oktobro 2025, ĵus difinis la lastajn detalojn de la programo: ĝi enhavos kvin ekskursojn kaj promenojn, prelegojn, esperanto-kurson, prezentojn de famaj artistoj kiel JoMo, Kajto kaj Arno Lagrange, kaj alio.
Granda ŝtormo malhelpis multajn alesti fizike la prelegon de c-ano Giorgio Silfer, antaŭhieraŭ en la Solidardomo de Stokholmo, sidejo de la norda legacio de la Esperanta Civito; kompense alestis en virtualo ĉiuj studentoj de la kurso pri literaturo kadre de la Esplora Instituto de Esperantologio, kiuj antaŭpreparis sin pri la du ĉefaj esperanto-verkistoj en Svedio: Stellan Engholm kaj Fer
