Esperanta Civito

HeKo - retagentejo de la Esperanta Civito

HeKo estas novaĵagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ lia delegito. La informoj estas: oficialaj de la Civitaj instancoj, se indikitaj per la litero C; bultenaj de paktintaj establoj, se indikitaj per la litero B; alies neoficialaj, pri kio ajn utila por la evoluo de Esperantio, se indikitaj per la litero A. Kaj pri Eŭropaj institucioj, se indikitaj per la litero E.
Eblas SENDI KOMENTARION aŭ ARTIKOLON tra la redakcia adreso.
Publikigo estas rajto por kiu havas la esperantan civitanecon, laŭdiskrecia por la ceteraj.
Eblas donaci monon por subteni nin pere de PayPal-konto: bonvolu demandi tra la redakcio
.
Nia poŝta adreso: Esperanta Civito > HeKo, strato Edinburgo 26, BE-1050 Bruselo (Belgio)


HeKo 684 3-B, 17 jul 18: Lingvotesta sesio de A gis C en Svislando


Kultura Centro Esperantista organizis 14 julio 18 sian unuan lingvotestan sesion dum ĉi tiu somero. Kiel konate, laŭ delego de la Esperanta Civito (tra direktivo Mühlemann) KCE estas la sola institucio kiu diplomas pri ĉiuj ses niveloj de la Komuna Eŭropa Framo de Referenco: UEA, kiel eksterlanda giĉeto de hungara institucio, asignas diplomojn nur laŭ B1, B2 kaj C1.

S-ro Ariele Alessandro Baldrati atingis la fundamentan nivelon (A2) kaj d-ino Lorena Bellotti la kapablecan (B2), kvankam malmulto mankis por trafi la bakalaŭran (C1). Sed ĉar la C-diplomitoj povus siavice ekzameni pri A- kaj B-gradoj, la komisiono preferis atendi ĝis venonta okazo.
...

Legu pli


HeKo 684 2-B, 16 jul 18: Duona dramo de Beckett tradukita en KCE


Tre agrabla semajno, vetere kaj etose, stude kaj distre, en la Esperanto-Domo de Kultura Centro Esperantista, 10-15 julio 2018, kie paralele al A2-nivela kurso disvolviĝis la dua eksperimenta staĝo kadre de projekto Nurenbergo.

Sub la kunordigo de d-ino Perla Martinelli, la dramon de Samuel Beckett "Fin de partie" (Finalo de partio) ektradukis Lorena Bellotti, Hilary Chapman, Marie-France Conde Rey, Anne Jausions kaj Giuseppe Pranzo Zaccaria. La komuna laboro atingis preskaŭ duonon de la verko, bazante sin sur la franca originalo kaj la angla varianto fare de la aŭtoro mem. Ankaŭ la bonega italigo de Carlo Fruttero efike helpis.
...

Legu pli


HeKo 684 1-B, 15 jul 18: Unua KCE-Komitata kunveno en la nova mandato


La Komitato de Kultura Centro Esperantista kunvenis hieraŭ en Ĉaŭdefono, ekzamenante la internan situacion, la kulturan programon kaj la organizajn perspektivojn.

Al la stabo de la fakuloj kiuj reprezentas nian lingvon ĉe ALTE estis aldonita c-ino Lorena Bellotti: ŝi debutos en la publikrilata rolo jam ĉi-aŭtune, kune kun gec-anoj Perla Martinelli kaj Giorgio Silfer. Dum la posta, vintra ALTE-kunveno ŝi estos nia sola delegito.

La Komitato gratulis la redakcion pri la akurate eldonata "Heroldo de Esperanto": la ĵusa julia numero vekis la admiron de multaj legantoj, pro siaj paĝoj dediĉitaj al la historio de Esperantio, precipe pri TEJO. "Vere tre bone kaj ekvilibre farita, gratulojn; la ideo pri raŭmisma finvenkismo estas grandioza!" skribis c-ano Carlo Minnaja, tiurilate. La monata informilo de KCE iĝas pli kaj pli populara.
...

Legu pli


HeKo 683 9-B, 14 jul 18: Letero de LF-koop al societo Lexus


Al la direktoro de Lexus, Brazilo

La sidejo de LF-koop situas en Svislando, kiu bedaŭrinde ne koincidas kun via itinero [ĵus komunikita pri via prelegvojaĝo en Eŭropo]. Neniu reprezentanto de LF-koop partoprenos en la kongresoj de vi menciitaj. Do ni ne vidas kiel eblas renkonti vin fizike, krom se vi modifus vian itineron. Tiam vi estus bonvena al nia sidejo.

Aliflanke la renkonto ne havus sencon pri "Heroldo de Esperanto" mem, ĉar LF-koop aplikis la kontrakton kun Lexus kaj tiel reprenis la proprieton. Intertempe la gazeto estis vendita al alia establo, kiu jam produktis sep numerojn en 2018.
...

Legu pli


HeKo 683 8-B, 13 jul 18: FEM asembleis pri diversaj iniciatoj


La ordinara Asembleo de Feminisma Esperanta Movado disvolviĝis kvorume hodiaŭ posttagmeze en Ĉaŭdefono, ĉe la Esperanto-Domo de Svislando. Aprobinte la aliĝon de novaj membroj el Britio kaj Hispanio, la Asembleo pritraktis la diversajn iniciatojn de FEM. La grefto de feminaj paĝoj al la revuo "Literatura Foiro" montriĝis sukcesa, kvante kaj kvalite, precipe danke al la kontribuoj de c-inoj Perla Martinelli kaj Marie-France Conde Rey.

Tre pozitiva, ankaŭ por la paĝoj en LF, la ĉeesto de nia redaktoro en la Internacia Festivalo de la Femina Filmo. C-ano Silfer raportis pri la situacio en Afriko, kie li taksas atentinda precipe la evoluon en Burundio kaj sudorienta Kongolando.
...

Legu pli


HeKo-arkivo

Esperanta Civito